2011北海道10天雪地自駕遊(修訂版)D7-2屈斜路湖砂湯篇A

Hello !

上回講到離開 "藻琴山展望駐車場" 之後 ,

繼續向山上面行 , 經過條隧道 , 見到呢個路牌 .

藻琴山登山路入口 P .

再駛前D , 小清水高原 ?

(小清水唔係在 "斜里" 果頭既咩?)

藻琴山自然休養林 , 登山道入口 .

睇過Google 地圖 , 左手邊呢度 , 如果夏天既話 , 

會見到條登山步道 , 風景仲唔錯添 , 依家俾D雪掩蓋晒 .

既然冇野睇 , 就原路折返 , 依然好大雪 .

行呢類雪路要加倍小心 , 例如小心對頭車啦 , 

雖然唔係咁多機會遇上 .

返番去 "川湯" 溫泉果頭 , 見到部剷雪車 , 幾得意喎 .

附近有間 "川湯神社" .

手湯 , D水未結冰咩 ?

石碑一塊 .

呢座先係 "川湯神社" , 頭先果座係 "鳥居" 咋 .

拜完 , 走得 .

呢條路尋晚行過 , 直去就係 "砂湯" , 再一次經過 "浪漫館" .

右邊係 "仁伏溫泉" , 不過冇乜野睇 .

咁就繼續出發 , 好快就到 "砂湯" .

見到個 "屈斜路湖" .

屈斜路湖 "砂湯" 駐車場 , 擺好部車先 .

隔離有個洗手間 , 唔驚冇地方解決 . ^_^ !!

過埋間舖頭就係 .

咦 , 有隻水怪喎 , 唔通想學 "尼斯湖" 咁攪野 ?

一於入去參觀 , 不過剛開舖 , 冇乜人 .

都係餵 "天鵝" 要緊 , 睇完就算 .

如果冇估錯 , 呢間應該係租 "艇仔" 受付 ,

不過冬季期間 , 收起晒D艇仔 .

日頭餵 "天鵝" , 個Feel 好好多 .

咪睇好好陽光咁 , 其實現場好凍 .

唔知 "足湯" 還是 "手湯" , 我就唔敢浸 . XD

屈斜路湖 ~ 砂湯 , 果日係2月1日 , 俾人惡攪咋 .  ^^

Bye Bye !

2011北海道10天雪地自駕遊(修訂版)D7-1藻琴山展望駐車公園篇

Hello !

第7日 ~ 2011年2月1日 , 星期二 .

上回講到浸完溫泉後睇多陣電視就休息 .

今日多地方去 , 所以 A.M.7:00 就起身 , 梳洗完畢 , 

順便影埋出面既風景 , 尋晚得一張黑媽媽既相 , 唔算數 .

呢間酒店都可以打窗黎影相 , 我至鍾意 .

屋頂鋪滿白雪 , 正呀 .

積雪仲幾深添 .

由今日開始 , 冇晒海景 , 全部在內陸 .

攪掂落去食早餐 , 朝食&夕食都係同一個地方 .

好多人食早餐 , 唔方便影相 , 食完先補飛啦 .

"日式" 早餐都唔錯 , 不過始終都係 "西式" 正D .

橙汁 ~ 牛奶 ~ 茶 , 任飲 .

麵包 , 叮過好食D , 正 !

尋晚咪話間酒店冇乜人既 , 其實係未埋位 , 

有樣野唔講唔知 , 呢度既住客 , 相信平均年齡在60歲以上 ,

即使加埋我都唔拉低得幾多 .  =_= !!

唔信 ? 全部都係長者黎架 .

食完執齊野Check out , 7350一泊二食 .

680啤酒 , 150入湯稅 , 合計 8180Yen埋單 .

車位就在對面 , 行過馬路就到 .

取車時17577 , 依家18643 , 即係行了 1066公里 . 

D油差唔多到一半 , 今晚臨去酒店都要入番鋪 .

出發 , 第一站係  藻琴山展望駐車公園 .

一路都係上山 , 氣溫又低咁幾度 .

好快就到步 , 藻琴山展望駐車公園 .

咪開心住 , 四處一片荒蕪 .

全場得一部車 , 點擺都得 .

屈斜路湖 , 能見度咁低 , 乜都睇唔到 .

四野無人 , 點影都得 .

涼亭一個 .

就在呢一度 , 發生一件 "仆街事件" .  >_< !!

話說前面有個45度既小斜坡 , 正常應該兜去馬路果邊行落去 ,

不過一時貪快衝落去 , 結果一踏落去 , 雙腳插落D雪度 , 

D雪去到膝頭 , 但係個勢仲有衝緊 , 咁就只有向前仆 , 直撻落D雪度 , 

再行又仆 , 結果撻了兩次先到底 , 好彩係軟雪 , 冇穿冇爛 .

影多兩張就Bye Bye .

唔知呢度夏天能見度高時 , 會係點樣呢 ?

有小小陽光 , 不過好快又被雲層掩蓋 .

攪掂上車 , 再向山上進發 .

Wow ~ 好大雪既呢 , 全程只係試過一次呢味大雪 .

Bye Bye !

2011北海道10天雪地自駕遊(修訂版)D6-11完(川湯溫泉御園ホテル晚餐篇)

Hello !

上回講到參觀完房間 , 攪掂就去食飯 .

午餐只係食個麵包 , 依家鬼死咁肚餓 , 唔等喇 .

一埋位佢經已準備好晒 .

點都要等埋佢先 , 大家啤啤佢 .

首先介紹呢味 , 煎牛肉 . (和風紙上燒)  ^^

跟住係 , 蒸飯 .

柴皮魚 , 豆腐鍋 .

雜錦刺身 , 份量好小 . >_< !!

唔單止份量小 , 場面都好冷清 .

D人未到咋嘛 ? 否則容乜易關門大吉 .

食完飯 , 得閒無事四處參觀 .

呢度就係頭先 Check in 櫃檯果度 .

個溫泉有晒出世紙 , 正宗溫泉黎架 .

當然唔小得手信部啦 .

好多野賣 . 

聽人講晚上好似有個叫 "冰霰祭" 晚會 , 一於出去睇睇 .

就在酒店附近 , 行一陣就到 .

冇晒人既 ? 攪咩野呀 . 原來因為天氣唔好 , 所以取消 .

冇辦法啦 , 唯有齋影相算數 .

D燈飾好靚呀 .

如果人頭湧湧 , 肯定更加熱鬧 .

但係人多又未必有咁好景 , 睇你點取捨啦 .

影完相返酒店 , 沿途都有D鋪頭賣紀念品 .

好快就返到酒店 .

又到今晚既重頭戲既時候 .

招呼唔到 , 自由攪掂啦 .

浸完都冇乜野做 , 早D休息 .

Bye Bye !

第六日完 .