2012北海道10天霧地自駕遊(修訂版)D3-6しおかぜ公園篇

Hello !

尋晚講到在 "觀鯨公園" 觀鯨 , 

不過鯨魚毛都冇條 , 唯有行番落下面取車去下一站 .

話咁快就到 , 呢度叫做 : しおかぜ公園 .

魚の城下町  らうす

有個人像喎 , 唔知邊位呢 ?

呢張有晒詳細介紹 .

仲有好多其他石碑 .

唔知寫乜 ?  ^^

川端 白浪 .

知床の賦 .

按掣好似有野聽 ?

知床旅情 .

北方領土の回水日 , 你就開胃 . haha ...

望落下面 , 又係一個漁港 .

一個個膠箱 , 應該係用黎裝魚用 ,

不過剩番咁多 , 冇乜收獲咁喎 .  >_< !!

望鄉の森 , 殘晒既 , 搵人執執佢啦 .

幾棵樹仔咋 , 咁樣都叫森林 ?

不過叫做有D雪景 .

過一兩日就未必有咁好景 .

之後經過一間叫做 "純の番屋" , 記得搵料果陣見過佢 ,

不過當時唔記得佢係乜 ? 所以經過就算 . (原來係間食堂)

再行落小小 , 呢度 D3-1 到過 , 係一個影相位 , 

一於再詳細咁睇多次 . 回水 ! 北方領土 ~ 國後島 , 

就在前面25KM , 不過完全見佢唔到 .

淨係見到個爛石灘 .

不過我鍾意睇呢類石灘 .

遲D仲會見到好幾個 .

好有氣勢既路牌 .

盡頭就係頭先既 "相泊" 地帶 .

最後一擊 .

Bye Bye !

2012北海道10天霧地自駕遊(修訂版)D3-5クジラの見える丘公園篇

Hello !

上回講到在 "羅臼旅遊中心" 度參觀兼睇片 . 

段片拍得好靚 , 如果有機會去果度 , 記得睇埋先走 .

下一站去 "觀鯨公園" , 日文叫做 クジラの見える丘公園 .

呢度本來可以開車上去 , 不過由於積雪未溶 , 

所以部車擺下面 , 自己行上去好過 , 

條路真係好斜 , 拎定支行山拐杖出黎穩陣D .

先黎地圖一張 .

要行一段15.5%既大斜路 .

行了一半望番轉頭 , 好多積雪 , 所以部車上唔到黎 .

4米闊 , 400米長 .

終於到達 , 前面就係展望台 , 上去咯 .

各位觀眾 : クジラの見える丘公園 .

展望台上再有一個高台 .

鯨魚呀 , 圖片咋 , 咪開心住 . haha ...  

(殺人鯨都有 , 係真唔係呀 ?)

後面有一個燈塔 .

相信都唔會咁好彩見到鯨魚 , 睇風景好過啦 .

順便幫幫眼 , 睇睇有冇奇蹟發生 .

呢一邊都冇 , 邊有咁好彩丫 .

其實觀鯨有冇季節分 ? 乜野季節機會率高D .

後面有雪山 .

側邊有漁港 .

再觀多一陣都要走咯 .

沿途有D便便 , 如果冇估錯 , 應該係屬於鹿既 .

(上次在 "知床" 見過 , 有D似 "麥提莎")

燈塔一個 , 紅白間色 .

邊個捉到鹿唔識脫角 ? haha ...

Bye Bye 喇 , 觀鯨公園 .

Bye Bye 喇 , 燈塔 .

落番去下面 .

D雪厚厚地之餘 , 仲開始溶緊 , 

可以見到最底有雪水流緊 , 仲好鬼跣腳添 .

一路行 , 一路影 .

最跣就係呢一段 , 最底層流緊冰水 , 落去都有D難度 .

好彩有帶行山拐杖 , 撐住呀 , 轉埋個灣就到下面馬路 .

Bye Bye !

2012北海道10天霧地自駕遊(修訂版)D3-4ルサフィールドハウス篇

Hello !

上回講到在 "熊岩" 影相 , 呢篇繼續 .

下一站就係 "羅臼旅遊中心" , 日文叫 ルサフィールドハウス

呢度外型成間玻璃屋咁 , 好有格調 .

Open .

知床世界遺產 .

ご利用案内 .

裡面原來用木造 , 難怪充滿陣陣木香 .

好詳細既資料 .

呢類木製屋 , 我都好鍾意 .  ^^

掛住隻獨木舟 , 咁都得 ?

話明旅遊中心 , 四處都係資料案內 .

標本一隻 .

"羅臼" 呢頭係咪真係有鯨魚架 ?

本來諗住影幾張相就鬆人 , 不過佢問我邊度黎 ?

我答 "香港" , 佢話有 Video 睇 , 仲連隨開埋機 .

所謂盛情難卻 , 唯有睇埋段片先走啦 , 

段片大約十分鐘 , 講普通話 . (睇落又幾好睇喎)

睇完同佢講聲 Bye Bye 就離開 .

下一站 , 觀鯨公園 .

究竟睇唔睇到鯨魚呢 ? 梗係睇唔到啦 .

Bye Bye !