2016北海道雪駕遊D1-8 十勝幕別温泉グランヴィリオホテル房間篇

Hello !

上回講到在帶廣駅附近影相 , 攪掂上車即往旅館 ...

去到之後泊好部車拎齊所需行李往櫃檯Check in , 

經過咁多次Check in , 基本上所有入住手續都熟晒 , 

首先佢會拎張入住表格出黎 , 需要填寫既只係姓名 ~ 地址 ~ 電話 .

之後佢會問我攞護照 , 再問影印得唔得呀 ? 

如果有訂早晚餐 , 佢會問幾多點鐘食 ? 之後再講解溫泉設施等等 ...

次次情況都係大同小異 , 所以都熟晒路咯 .  ^^

今晚旅館叫做 : 十勝幕別温泉グランヴィリオホテル

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

辦理好手續就上房 , 房間號碼 202 . 歡迎 !

四圍影介紹房間 , 相片排名不分先後 .

寫字檯旁邊有茶几 & 坐位 , 不過電視擺位就怪左D .

小型 LCDTV , 叫做OK啦 . 

(地下有把風扇 , 唔通夏天冇冷氣 ? )

兩張床 , 就揀左手邊啦 .

好大個窗 .

衣櫃 & 雪櫃 .

洗手間 .

馬桶一個 .

洗手盆 & 風筒 , 大鏡 .

呢張好似重覆左 , 算啦 ~ 當睇多次 .  XD

又係兩張床 , 多角度咁睇 .  ^^

點解影左兩次 ? 原來係試下有閃光燈既分別 .

坐呢度相隔電視頗遠

不如電視放呢度咪仲好 , 茶杯可以放果邊嘛 .

早晚餐券 & 門匙 .

呢兩張 QUO 一直搵唔到使用地方 , 

拎左番黎香港 , 唔知有冇期限既呢 ?

攪掂未 ? 掂就落去食飯 , 下午淨係食左個拉麵 , 好肚餓既呢 . 

晚餐會場 , 有D乜野食 ? 下篇話你知 .

另外有D野應該在序章果陣講 , 不過俾遺失相機佔了絕大篇幅 , 

所以冇時間講 , 就係今次行程試過幾餐團體式自助餐 , 勁多野食 .

一遇到呢類場面就忍唔住手 , 食到飽到嘔血咁滯 , (包括呢餐都係)

正式係人出本我出命 , haha ...

聽晚見 ~ 

Bye Bye !

2016北海道雪駕遊D1-7 帶廣駅周邊觀光篇

Hello !

上回講到參觀完千歲防災中心後 , 立即往帶廣 ...

由千歲往帶廣 , 就算上高速公路 , 車程都要兩粒鐘多DD .

一輪火拼之後終於到達 : 帶廣駅 , 求其擺部車在站外就算 .

今次係 ELGRAND 第一出現在網誌 , 唔駛驚 ~ 

第日大把機會見到佢 , 正式係睇到你唔睇 . haha ...

帶廣駅 , 時間係 16:44

呢棵樹好有美瑛Feel .

過去另一邊 , 對面係好出名果間豬扒飯店 .

叫做 : 元祖豚丼のぱんちょう , 點解冇人排隊 ? 因為休息囉 .

其實咁寫法 , 真係唔知佢幾時先至係休息日 .  XD

對面係租車店 NIPPON .

隔離係 Times Car RENTAL .

附近仲有 帯広 JR イン .

呢間叫做 : Richmond Hotel .

又一間 , 黎到帶廣 , 都唔休冇地方住 .  ^^

返到黎車站附近 , 遠處仲有間 APA HOTEL .

就黎P.M.5:00 , 要快D手 , 好快就天黑 .

拿淋影幾張相交差就算 . haha ...

觀光案內所 , 有乜唔明就搵佢啦 .

攪掂即刻上車 , 因為往旅館都仲有一段路要行 . 

唔想摸黑去旅館 , 所以草草了事 , 第一日係咁架喇 . 

係咪又夜左D呢 ? 當時係 P.M.05:07 , 每日呃咁D鐘 , 冬季出門就係咁唔著數 . 

今晚簡簡單單 . 

Bye Bye !

2016北海道雪駕遊D1-6 千歳市防災学習交流センター篇B

Hello !

上回兩篇講解領回G10既前後果 , 今晚繼續個行程 ...

不過仲有幾句遺漏 , 講埋先開始 , 就係本來我對大阪呢邊冇乜好感 , 

既多強國人 , 又多人在街邊吸煙 , 正式係烏煙瘴氣 .  =_= !!

之但係經過今次呢一役 , 對佢觀感180度大改變 , 今後就算轉場 , 

都會以佢為優先 , 就剛剛電視播放 "和歌山" 廣告 , 

而和歌山就在大阪隔離 , 絕對有得諗呀 , 不過剛返黎香港冇耐 , 

將呢個情緒Hold住先 , 搵日先至慢慢研究佢 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好喇 ~ 去番個行程 , 上次講到參觀緊 :

千歳市防災学習交流センター , 參觀左一半 , 今晚解決埋佢 .

呢兩件防火衣 , 充滿太空人Feel , 勁 !

呢件比較傳統D .

牆上有D災難介紹 .

基本上每個牆身都貼滿防災資料 .

見唔見下面有個類似 梅花莊 既場地 .

就係呢度喇 , 呢個 梅花莊 就犀利咯 , 可以示範各種級數既地震 .

1 至 7 級地震都可以演譯出黎 .

佢叫我企入去裡面 , 然後開機 , 由低至高咁逐樣試 , 

去到當年 神戶大地震 既級數 , 果然夠晒勁 , 

果陣有晒準備都覺得好勁 , 如果偷襲既話 , 絕對難以抵擋 .

跟住輪到 煙避難体驗 .

顧名思義 , 即係在一間充滿煙霧既房間 , 試下點樣搵出逃生之路 , 

又係果句啦 , D煙白白地色再加上有晒準備 , 

要逃生當然易如反掌啦 , 若然掉番轉既話 , 諗下都幾得人驚 .

之後呢個仲精彩 , 可以遊繩落下一層 .

就係咁樣 , 佢叫我試下 , 我話咪攪 . haha ...

齋睇圖算數 .

隔離呢個打開個蓋可以落下一層 .

就係咁樣喇 , 唔識點講解 .

呢個有D似Sir滑梯 .

又係直通落下層 .

都幾高架 .

爬山牆都有 , 話時話 ~ 我都未試過呢類爬石牆  .

去到另一邊 , 又係D急救指南 .

AED 好多地方都有 , 不過唔識點用 , 係咪要醫生先至可以用 ?

地震10個心得 .

各疑安全帽 .

家居安全品展示 .

非常食 ~ 即係養兵千日 , 用在一朝 .

家居藥箱 , 好似同一般既唔同 .

紙皮箱造既臨時床 .

參觀到呢度都差唔多 , 正想諗住走人 , 點知俾佢叫住 ...

原來想我睇埋片先至走 .

睇戲睇全套 , 就睇埋佢啦 .

攪掂晒呢個行程 , 係時候出發 .

由千歲往帶廣 , 車程都幾長下 , 所以都冇其他停車位 ,

一口氣直駛往帶廣 , 今次冇借ETC咭 , 用番取票俾錢 .

今晚講住咁多先 , 下篇見 .

Bye Bye !