Hello !
上回講到參觀緊 厚岸道の駅 樓下及展望台 ...
呢篇輪到戲肉 , 就係上二樓食蠔 , 呢餐等左好耐架喇 . ^_^ !!
梯間貼滿宣傳單張及海報 .
二樓分別有三個地方選擇 .
分別係左中右三間 , 先參觀左手邊果間 .
咦 ~ 冷清清咁既 ? 有冇開檔架 ? 唔駛考慮 , NEXT ~
下一間即係上次幫襯過既BBQ , 炙屋 .
示範單位 , 有晒樣辦你睇 . XD
睇樣辦就不如睇實物 , 蠔 ~ 扇貝 ~ 北寄貝等等 ... 任君選擇 .
(呢度我好似介紹過幾位Blog友黎幫襯)
先向未黎過既Blog友介紹 , 就在呢度揀料 , 揀好去櫃檯計數 ,
再加多300Yen炭火料金 , 就可以入去裡面燒餐飽 , 裡面仲有飲品賣 ,
如果幾個人黎 , 乘客唔駛揸車既話 , 可以黎個啤酒BBQ ,
諗起都覺得正 , 可惜我就做唔到咯 . =_= !!
除左海產之外 , 旁邊凍櫃仲有其他選擇 .
豬 ~ 牛 ~ 羊肉串都有 , 問你服未 ?
漬物 ~ 生果都有 , 勁 !
(另外相片只係影左部份 , 其他不能盡錄)
上篇透露過 , 今次唔係BBQ , 影完相出番過隔離先至係 .
餐廳叫做 : レストラン エスカル
門口仲有實物樣辦你睇 .
睇啱未 ? 攪掂就入去咯 .
果陣過晒午飯時間 , 大把位任你坐 , 求其搵個位啦 .
在門口揀唔到都唔緊張 , 仲有Menu過你睇 .
Wow ~ 花多眼亂呀 . haha ...
今次唔叫定食 , 散叫幾味 .
數量限定 .
呢個正D喎 .
一場黎到 , 點可以唔食蠔 ?
特大かきのルイベ , 就試一試佢 .
唔可以飲酒 , 唯有飲汽水 , 先黎杯可樂 .
襯D野未黎 , 參觀下四圍環境 , 得一兩檯客 .
遠處個鐘轉到P.M.2:40 , 食完呢餐都冇乜時間剩 , 盡趕啦 .
D野好快就黎 , 第一味 : 生蠔8隻 . 1700Yen .
第二味 : 豬扒+炸蠔合戰丼 , 1300Yen .
第三味 : 特大かきのルイベ , 680Yen .
蜆肉麵豉湯 , 送既 .
其他漬物都係送既 .
未食之前黎個大合照 . (已經食左兩隻蠔喇) haha ...
凍冰冰 , 滑不溜口 .
片佢出黎再加汁 .
終於食晒 , 點解要用 "終於" 呢 ? 因為睇落好似唔係好多野 ,
食落其實都幾飽下 , 另外有樣值得一提 , 就係果味 特大かきのルイベ ,
唔知係特登還是解唔切凍呢 ? 就好似剛剛在冰箱拎出黎切片 ,
都幾硬下 , 不過食落又幾好味 , 所以先至有咁既懷疑 ?
食完埋單 , 盛惠 4080Yen , 雖然幾貴 , 但係好滿足 .
食完落番樓下 , 去埋個洗手間準備離開 , 經過入口附近 ,
突然有陣唏噓既感覺 , 皆因回想番上次(2012年)黎呢度 ,
用門口部電腦上網查足球資料 , 果屆歐聯賽果係 車仔 擊敗 巴塞 ,
成功出線總決賽 ,再擊敗 拜仁 奪取 歐洲聯賽冠軍盃 ,
風頭可謂一時無兩 . (有興趣可以Click入呢度睇番)
今季既 車仔 , 可以肯定四大皆空 , 現時聯賽排第10位 , 之前更差 .
如今入口部電腦已經冇左 , 正式係桃花依舊 , 人面全非 . >_< !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好喇 ~ 感觸完繼續行程 , 下篇將會去既景點係 : 愛冠岬 .
Bye Bye !
