Hello !
上回講到參觀緊 黑門市場 既家品店 ...
今晚攪掂埋個篇B佢 , 呢類家品店 , 好多正野架 .
幫襯佢買左個暖壺 , 1750Yen .
個盒印住保溫保冷都OK , 保冷就唔知 , 保溫效果只係一般 .
作為一個暖壺 , 佢就唔多稱職 , 只係一日就變番凍水咁滯 .
不過作為對日本既懷念 , 就十分之滿意 , 幫襯過日本都唔小酒店及旅館 ,
好多間都係用呢味水壺 , 呢個放在廚房裡 , 每次斟水飲時 ,
都會諗起在北海道既情懷 , 呢樣手信都算實際 , 我鍾意 . ^^
買完再四圍行 , 影埋其他既掛飾 , 呢款係咪 喜知次 ?
咁呢條呢 ? 石斑 還是 龍蠆 ?
影完掛飾就去搵食 , 大拖羅3800Yen , 攞命咩 .
呢間唔啱唔緊要 , 邊行邊搵 , D舖頭陸續開門 .
人流都開始暢旺 .
直情係人頭湧湧添 . haha ...
一直行 ~ 直至搵到呢間有堂食之餘 , 收費亦OK .
叫住兩味先 , 唔夠一陣再添食 , 雖然一陣唔駛揸車 ,
不過早餐飲啤酒又好似怪怪地 , 都係飲茶好D .
(右邊果個就係剛剛買既暖水壺)
拆開包裝紙 , 唔錯架 , 淨係個賣相 , 唔打得都睇得 . ^^
仲有其他食客 , 齊齊開心 , 時間係A.M.9:35 , 記得唔駛太早黎 .
好快就食完 , 繼續參觀其他檔口 .
呢檔犀利喇 , 老闆不斷執拖羅 .
執好擺過隔離 , 就係呢D三色丼 , 大 ~ 中 ~ 赤身炒埋一碟 .
今次冇幫襯佢 , 下個禮拜先黎試一試佢 . (預告)
再隔離呢檔燒牛肉亦係唔簡單 , 在呢度揀好 .
拎過隔離即煎 , 鑊氣十足呀 . haha ...
煎完 ~ 係咪好勁呢 ?
半生熟 , 正呀 !
(呢碟係隔離果Pair人 , 只係借黎影相咋)
我果碟就削好多咯 , 得幾塊牛肉片 . =_= !!
冇法啦 ~ 得一個人又食完刺生 , 唔駛食得咁盡既 .
都叫做有張証書啦 . XD
唔駛考慮咁多喇 , 一於幫襯佢啦 . haha ...
食完過休息站打點下D戰利品 .
兼去下洗手間 & 洗手 .
執好D一包二包 . (另外買左D零食)
休息站蓋章處 .
參觀多一陣都差唔多 , 呢間賣生猛海鮮 .
貝殼類海產 .
半打生蠔丫 . XD
鳴門金時 . ( 係乜東東呢 ? )
疑似 關東煮 .
燒雞都有 ?
(黎到呢個市場 , 正式係不愁寂寞呀)
河豚生魚片 . (雖然話唔係信唔過佢D刀功 ,
不過食河豚咯喎 , 始終有所保留 .
蔡瀾 大力推薦都係咁話 .
好 ~ 最後一擊 , 有剩就留番你地自己黎參觀啦 .
由呢個出口離開去下一站 .
Bye Bye !
