2017北海道及和歌山11天自駕遊D3-1 ホテル神居岩早餐 & 黃金岬篇

Hello !

上回講到浸完溫泉 , 飲埋杯鮮奶 , 冇耐就瞓覺 .

一覺醒來係行程第三日 , 好似好快既 ? 唔緊要啦 , 依家先至係開始 .

梳洗過後帶埋張早餐券落一樓 , 前面就係朝食會場 .

只係得幾位啫 , 券唔券都得啦  .  XD

茶 ~ 水 ~ 咖啡 及 鮮奶 任飲 , 咁既陣容 , 通常都係揀鮮奶 .

基本日式套餐 , 一Set過唔駛揀 , 點著個鍋就可以食住等 .

唔夠仲有 紫菜 ~ 納豆 & 日式幾味 .

當然仲有白飯任裝啦 , 另一個唔知係麵豉湯還是粥 ? 

呢餐要盤膝打坐咁黎食 , 睇住電視分下心 , 腳痹都唔多覺 .  XD

睇多兩睇個鍋都滾咯 , 牛肉豆腐鍋 , 唔錯丫 .

每樣幾注好快就清晒 , 黎多杯咖啡結束呢個早餐 .

即刻就要上房執野 , 今日好多地方去 , 車程都幾長 .

Check Out 埋單 , 上篇講過盛惠 7400Yen .

Bye Bye 喇 ~ ホテル神居岩

部車擺在第一駐車場 , 上面丫

 .

8點幾咯喎 , 好似剛剛日出咁款 .

即刻就要黎個飯後運動 , 始終都計漏左呢一瓣 .

相對黎講 , 都唔算好嚴重 , 想重溫嚴重既 , 可以Click入呢度 .

幾分鐘車程之後 , 黎到呢度 .

現在地 ~ 黃金岬 .

兩邊都有駐車場 , 不過都係鋪滿雪 , 求其邊度有位就擺邊度 .

全部店舖都關門大吉 , 十足個死城 .

上面果座叫做 留萌市海のふるさと館 , 不過歇冬 , 所以冇上去 .

睇番下面D舖頭 , 正式係十室十空 .

搵隻鬼影睇下都冇 .

留萌海鳥觀察所 , D玻璃濛查查 , 直接睇好過啦 .

亂石灘一個 .

天色麻麻 .

咁樣叫做有冇剷雪?

呢度有個缺口 , 可以睇得清楚D .

一直向右手邊移動 .

有個類似涼亭既物體 .

仲有個地標 .

D雪太厚 , 只能夠用Zoom鏡 , 不過一出Zoom鏡 , 

左上角條毛毛就會出黎 , 鏡頭入左野 , 係咁架喇 .  XD

唔講唔知 , 呢輯海邊相 , 大部份都係用Zoom鏡 , 

爭在大Zoom與小Zoom , 因為D雪太厚 , 根本就埋唔到去 .

遠處有座燈塔 , 呢張係盡Zoom .

想埋岸邊 , D雪起碼到腳眼至小腿 .

打橫D野要黎兜住D雪 , 免得佢地責落黎 , 好似變左山坡既裝飾 .

巴士站當停車場 .

行左叫做一日 , 前轆後面已經結左冰 , 遲D會越滾越大塊 .

今次派部黑色車 , 夠晒襟污糟 , 讚呀 .

順便講埋 , 下半部 和歌山 既 VEZEL 都係黑色車 .

巴士站叫做 三泊神社前 , 唔見神社既 ?

Bye Bye !

2017北海道及和歌山11天自駕遊D2-2完 ホテル神居岩房間及晚餐篇

Hello !

上回講到到達 新千歲機場 及攞車後 , 一路沿住海邊北上 .

睇左幾個景點之後已經日落 , 於是乎加速向旅館方向行 , 夜車就在所難免架喇 , 

希望唔好咁耐啦 , 中途見到間便利店 , 落車入番D貨先 .

去過日本自駕遊既Blog友都應該知道 , 便利店門前可以泊車 , 好正架 .

買D乜 ? 之唔係鮮奶 & 香蕉囉 .  ^^

臨去到差唔多接近旅館 , 發生第一件 蝦碌事件 .

(其實只係發生過呢一單 , 其他果D唔記得鬆手掣開車 , 未在此列)

事發係咁樣既 , 摸黑揸左約莫45分鐘車 , 己經心慌慌 , 

(皆因唔係處處都有街燈 , 尤其果D鄉下地方 , 正式係條街黑me蚊)

GPS指向左手邊小路 , 當然跟住行啦 , 跟住指向右 , 

不過見到有個路牌話前面修路封閉 , 心諗 : 唔係化 ? 就到咯喎 , 整路啫 , 

會唔會係好似洗廁所咁 , 求其棟個牌截人 , 其實裡面仲用得 ?

於是乎決定硬闖 , 一直行都OK , 去到盡頭 , 成條路唔見左 , 下面係個大凹位 , 

跌落去肯定渣都冇 . 黑夜雪駕已經夠步步驚心 , 仲要整單前路不通 , 

當時個心真係有D寒 , 點算呢 ? 如果去唔到旅館 , 固之然失信於人 , 

但重點係今晚瞓邊度 ? 瞓在車裡面 , 容乜易變雪條 ? 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

諗得咁多黎 , 不如解決左眼前危機先 , 就係掉頭出番大路 , 

果條路鬼死咁窄 , 仲要個泊車警報鬼死咁響 , 每次差不多到訂就 Do ~ Do ~ Do 咁響 ,

心情已經好緊張架啦 , 仲要俾佢咁都嚇法 , 真係心血小D都唔掂 .

結果果手掉頭車 , 冇十手都有八手軑 , 仲要不時落車睇位 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

解決左呢個危機 , 出到大路重新Set過GPS , 佢介紹過另一條路行 , 

好快就搵到間旅館 , 妖 ~~~ 個GPS駛唔駛咁攪野呀 ? 

我都已經係用一般路線架啦 , 又唔係用距離優先 , 唔駛算到咁盡喎 .

去到旅館 , 泊好部車再拎齊野Check in , Check in 手續相當簡單 , 

通常都係俾張表你填 , 分別填上 : 姓名 ~ 地址 ~ 電話等等 ...

再俾個護照佢Copy , 之後佢會問食晚餐 ~ 早餐既時間 , 之後就OK .

今晚房間 310號房 .

先介紹下間房先 .

好簡單既一間和室 .

呢款燈有遙控 , 我鍾意 .

個雪櫃都幾大喎 .

呢個櫃放被鋪 , 一陣佢會出手 .

LED TV , 一陣大派用場 .

洗手盆 & 鏡 .

傳統式馬桶一個 .

早餐券 & 門匙 .

頭先話部電視大派用場 , 皆因晚餐在房間度食 , 電視送飯 , 正 !

送飯黎果陣 , 又有故講 , 話說送飯黎果位老太 , 

送完飯果陣 , 再逐樣講解 , 包括食完飯打電話落櫃檯叫佢收野 , 

同埋講解每味飯送與及旅館設施 , 本來只係平常事 , 

讚就讚在佢全程都講英文 , 有時我用日文回應 , 佢都照講英文 , 

雖然要睇貓紙 , 不過一把年紀都要學英文 , 淨係呢份心都唔簡單 .

跟住介紹呢餐飯 , 首先係白飯一大兜 .

海膽粉絲鍋 .

醬油魚 .

刺身 .

炸物 .

又係魚 .

青瓜兩片 .

呢餐叫做一般啦 , 不過 一泊二食 7400Yen , 仲有溫泉浸 , 都算係咁咯 .

食完飯抖一陣 , 又到餘興節目 , 一樓浴場丫 ~ 唔該 .

浸完溫泉既節目 , 就係飲鮮奶 .

乾杯 , 飲勝佢 .

睇多陣電視就瞓覺 , 今日連場大戰加尋晚通頂 , 真係要好好咁回氣 .

Bye Bye !

第二日完 .

P.S. : 今晚旅館叫做 : ホテル神居岩