2017北海道及和歌山11天自駕遊D5-8 びっくりドンキー午餐篇

Hello !

上回講到到達 旭川道の駅 , 擺低部車之後 , 

即刻過隔離 びっくりドンキー , 幫襯佢食個午餐 , 叫做報答佢上年借廁之恩 . 

其實唔係好記得點樣行 , 只係憑住依稀既記憶黎搵 , 

好彩唔駛用太多時間就搵到 , 係佢喇 ~ びっくりドンキー .

當日就係泊呢個位 , 跟住仆到咁上去搵洗手間 .

停車場案內圖 .

一齊上去咯 , 二樓就係 .

營業時間 : A.M.11:00 ~ A.M.2:00 , 開到凌晨兩點 , 勁喎 .

禁煙都要講時段 , 呢樣就輸俾香港喇 .

午市時間 , 尚未爆滿 , 可能係閒日啦 .

求其搵個位坐低 , 先黎水一杯 .

睇睇個餐牌 , 以漢堡扒為主打 .

個位可以望到廚房部份 .

先黎杯飲品 , 餐牌睇唔到 , 原來係King size , 大杯得誇張 .

再黎係沙律 .

最後係主菜 , 漢堡扒+炸蝦 , 好有 大X樂 Feel .

先攪掂個沙律 .

最後全部清檯 , 呢餐認真唔簡單 .

唔簡單係講份量 , 價錢就一般啦 , 埋單 2143 Yen .

Bye Bye 喇 , びっくりドンキー 報左呢個恩 , 應該唔會再見 .

向番 旭川道の駅 方向行 .

呢座貌似 蛋卷 既物體係乜野呢 ? 等朕Check下先 . haha ...

好快就返回 道の駅 .

Bye Bye !

2017北海道及和歌山11天自駕遊D5-7 道の駅とうま篇

Hello !

上回講到參觀完 北きつね牧場 ...

基本上行程已經圓滿結束 , 可以往 札幌 還車 , 

不過仲有一個地方要解決埋佢 , 講起呢個地方 , 

就要返番去上年既網誌 , 有興趣可以Click入呢度 .

況且去到果度相信已經係中午時份 , 就在果度開餐 .

決定左就全速前進 , 都係果句啦 , 始終係雪地 , 留番一手好D .

約莫80km左右啦 .

遇到前面有大貨車 , 更加要保持距離 , 快不得 .

經過一輪大火拼 , 接近 旭川 範圍 , 兜入個 道の駅 伸伸腳 .

前轆菌晒黑邊 , 認真誇張 .  XD

仲有車門邊 , 成隻泥鴨咁 .

呢個 道の駅 , 叫做 とうま

蓋章處 .

道路資料 .

電視機都有 , 不過冇時間睇 .

當然唔小得商店啦 , 去埋個洗手間 , 繼續趕路 .

地濕濕咁 , 雖然冇乜雪 , 不過都要小心 .

記得同前車保持距離 .

果陣都幾好天架 , 不過晏D進入 札幌 到帶 , 即刻大逆轉 .

唔 ~ 差唔多到喇 .

今次搵到 旭川道の駅 , 擺好部車 , 向隔離方向行 .

前面左手邊就係 .

びっくりドンキー , 係佢喇 . Yeah !!

今晚講住咁多先 , 聽晚幫襯佢食餐勁既 .

Bye Bye !

2017北海道及和歌山11天自駕遊D5-6 北きつね牧場篇B

Hello !

上回講到參觀緊 北きつね牧場 , 呢篇繼續睇狐狸 ...

呢度一條中間通道 , 兩旁雪地佈滿狐狸 . 

地方唔算好大 , 不過叫做OK啦 .

黑色狐狸都有 ? 狗黎咋嘛 ?

又好似真係狐狸喎 , 咁都得 ?

呢度D狐狸雖然都怕外人 .

不過就冇野生果D咁誇張 , 稍為行近D都雞咁腳走左去 .

前面果堆瞓緊覺 .

雖然係咁 , 不過警覺性都好高 .

熟睡中除外 .  ^_^ !!

另外有D就好生猛 , 走足全場咁滯 .

唔知夏天黎會點呢 ? 話時話 ~ 

有冇Blog友曾經夏天黎過 ? 會唔會好大陣動物除呢 ?

曬太陽 ~ 好悠閒既呢 .

太凍既話 , 仲可以入山窿躲避 .

呢隻好似係上篇果隻 , 咁耐都未醒 .  XD

睇到呢度都差唔多 , 今次真係大滿足 , 睇狐狸睇到飽 .

向番出口果邊行 .

好快就行到出口 .

仲有鳥居 .

工作人員 , 有狐狸跟隨 , 唔通佢有野食派 ?

狐狸會跑 , 請隨手關門 .

過隔離狐狸商店度行個圈 .

狐狸產品 , 唔知有冇當年既 路姆西 公仔 ?

梗係冇啦 , 因為果D係 豺狼 , 呢D係狐狸 . haha ...

毛巾仔 , 買包抹汗都唔錯 .

出番到外面 , 木刻店依然冷清清 .  =_= !!

入場券一張 .

攪掂 ~ 即刻飛車往下一站 .

不過沿途有雪 , 都唔好太快 , 70km左右啦 .

Bye Bye !