Hello !
唔覺唔覺 , 返左黎香港都成個星期有多 , 首先講聲Sorry !
因為俾著以前 , 旅遊網誌已經寫左幾篇 , 依家要隔咁多日先至開張 ,
要大家久候 , 認真唔好意思 . =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好啦 ~ 言歸正傳 , 今次又係大年初一出發 , 去到果度係凌晨時份 ,
即係年初二開始 , 玩到年初十晚 , 足足9日 , 夠晒痛快 .
根據以往經驗 , 香港呢Part都冇乜人睇 , 輕輕帶過就算 .
一落機鐵就係機場 , 今次去果程幫襯Jetstar , T2呢邊落車 .
經過一段長斜路 , 先至到達Check in區 .
睇睇個水牌 , 20:45 GK064 , 向P區方向行 .
Wow ~ 冇乜人 , 唔駛排隊 , 正 !
好快就攪掂D機票手續 , 仲有時間行下呢邊T2 .
九份手信 , 話時話 ~ 都未去過 九份 呢個地方 .
仲有好多其他店舖 ,
玩具店 .
都冇乜野幫襯架喇 , 去埋個洗手間就過離港呢邊 .
又係好快就辦妥行李檢查及出境手續 , 等候接駁列車 .
過到另一邊 , 有棵桃花王 , 夠晒農曆年氣氛 .
20:45 GK064 大阪/關西 , 229號閘口登機 .
充滿科幻式既天花 , 不過唔係呢度 .
229號閘口 , 下面果層 .
邊等邊打機 , 好快就夠鐘上機 , 排隊喇喂 .
銀色機身既 Jetstar航空 , 都幾有型 .
要分兩部接駁巴士 , 我第一批上左機 , 襯第二批未到 ,
影張相先 , 否則佢地一黎到就打衝鋒 , 香港人嘛 , 乜都要快 .
3個鐘個左右機程 , 好快就到達呢個 關西空港 ,
唔知係咪凌晨關係 , 居然唔駛排隊 , 一去到就即刻辦理入境手續 ,
即係打手指模及影相果隻 , 跟住等行李又係好快 ,
最重要係出關時 , 連行李都唔駛打開 , 呢樣真係近年小見 ,
幾近次次都打開個篋俾佢地搜餐飽 , 今次唔駛開篋 , 真係有D受寵若驚 .
不過篋就始終要打開 , 拎番D野出黎梳洗 , 擦靚棚牙都要掛 .
在此之前 , 先參觀一下呢個熟識既 關西空港 .
近年都係以呢度作為基地 , 瞓都瞓過幾次 .
歡迎來到奈良 , 睇黎有個奈良展覽咁喎 .
好多旅遊資料 , 由呢度去奈良 , 仲近過去四國 .
CITIZEN , 依然搵北川景子做代言人 , 人氣十足 .
往難波 , 最快34分鐘 , 1270Yen .
今程當然唔係搭列車出難波啦 , 因為都收晒工 .
其實係往另一邊攞車 , T2果邊有間租車公司通宵營業 ,
攞車之後即刻往四國 , 慳番好多時間架 .
好 ~ 依家先去梳洗 , 跟住過租車公司 .
Bye Bye !
