2018四國9天自駕遊D5-2 貓島碼頭上岸篇

Hello !

唔係意思 , 呢排多野攪 , 遲左更新 , 依家正常番 .

上回講到去到碼頭之後四圍參觀 , 到時到候就上船 .

來回船票 , 每程680Yen , 合計1360Yen .

仲有小小時間 , 參觀下艘船 , 上面掛住部電視機 , 唔錯喎 .

裡面係駕駛室 .

船內禁止一切商業活動之類 ...

落船時記得帶走垃圾 , 島上又唔容許有垃圾 , 即係要拎埋走 .

出風口 & 警鐘 , 最上果個應該係廣播器 .

下面係救生衣 .

夠鐘開船 , 船程約莫30分鐘 .

OK ~ 話咁快就到步 .

咦 ~ 唔見D貓群來迎賓既 ?

得果幾隻 , 正式係小貓三幾隻呀 .  XD

好 ~ 上岸玩貓 , 一陣再見 .

其他搭客一早上晒岸搵貓 .

過路貓一隻 .

島上有個休息室 , 不過唔係呢間 , 果度遲D至介紹 .

青島案內圖 .

航班時間表 .

旅客守則 .

呢度就睇住咁多先 , 繼續尋貓之旅 .

金毛貓一隻 , 過癮呀 . haha ...

睇過youtube短片 , 呢度有定時餵貓 , 加上遊客多 .

所以甚小見到瘦貓 .

肥貓倒見到唔小 , Yeah .

呢邊係餵飼區反方向 , 所以貓量唔多 .

因為我想參觀貓島其他地方 , 所以向另一邊行 .

呢度D貓同香港果D分別太大 , 香港果D稍為行近都雞咁腳走 .

碼頭水質都叫做清澈 .

依家係08:40 , 16:15開船 , 即係有7個幾鐘時間 , 

唔好以為好耐 , 其實好快過 .

Bye Bye !

2018四國9天自駕遊D5-1 愛媛青島碼頭篇

Hello !

上回講到食完晚餐 , 浸埋個溫泉之後就瞓覺 .

一起身就係第五日行程 , 今日只得一個景點 , 

而呢個景點亦係全程至為重要 , 甚至可以話為呢度而黎 , 

都無需再賣關子 , 景點就係 愛媛貓島 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

梳洗過後執齊晒即走 , 由於天都未光 , 大堂櫃檯冇人 , 

不過佢尋晚都講定 , 房間鎖匙可以放入箱裡面 , 之後佢就識得做野 .

另外本來車匙都係佢Keep住 , 不過我要早走 , 所以都俾定我先 ,

落到去一開車就走得 , 由旅館去碼頭 , 正常情況下只需30分鐘 .

之但係尋日俾人影完快相 , 在忌忌地既情況下 , 變左45分鐘左右 .

去到碼頭經已天光 , 見到有停車場就擺住先 .

只得我同埋隔離果部車 , 不過呢個並非船公司停車場 .

應該係屬於呢座野掛 ? 

橫掂仲有時間剩 , 落車周視察下四圍環境 .

前面就係 伊予長浜駅 , 如果搭鐵路黎 , 就要在呢個站落車 .

跟住行過黎呢邊 , 呢間先至係船公司 , D樹籐勁到呢 .

船公司停車場案內圖 .

應該就係呢艘船 .

A.M.7:20開始在呢度售票 .

頭班A.M.8:00開船 , 料金大人680一程 .

正宗停車場就在遠處果度 , 依家駛部車過去 .

就擺呢個位啦 , 黃昏先至返黎 , 摺埋個倒後鏡穩陣D .

如果大家未黎過 , 就認住呢個停車場 .

斜對面有油站 .

正對面有間商店 .

馬路邊就咁樣 .

仲有時間 , 參觀埋旁邊碼頭 .

當日風平浪靜 , 不過一陣在島上好曬 .

其實都算OK , 參觀過其他網誌 , 大雨欠航都時有發生 , 

就算唔欠航 , 落雨濕濕都冇癮啦 .

如果萬一真係咁唔好彩無料停車場爆滿 , 隔離都仲有個私人停車場 .

有10個車位可以擺放 , 一回500Yen , 自己入錢落個箱 .

10個車位 , 一眼睇晒 .

時間都差唔多 , 過對面上船 . 呢間叫做 檢潮所 , 

顧名思義係檢查潮夕漲退 , 應該係掛 ?

去到船公司 , 未開門兼冇乜動靜 .

時間冇錯丫 , 點解鬼影都冇隻 ?

唔係售票處咩 ?

原來係D乘客已經上船 , 在船上坐住等 .

好幾位乘客經已上船 .

咁我都落去咯 , 等埋呀 ...

Bye Bye !