Hello !
上回講到在 "大江戶溫泉物語" 度返回酒店 ,
睇多陣電視就休息 , 一覺醒來 ~ 第三日隨即展開 ...
今日第一個目的地 , 就係 "築地魚市場" , 由於去果度要食餐勁 ,
所以今朝既酒店早餐都要無奈放棄 , 冇法啦 ~ 早餐就日日都有得食 ,
新鮮壽司就唔係度度有 , 點都要有D取捨既 , 唯有犧牲個早餐啦 ~
步出酒店後 , 經過 "豐田汽車館" , 過條大馬路 ,
再穿過果條好旺既 ??通 , 原來果度有間戲院架 ,
平時匆匆忙忙都唔多覺添 . (果陣做緊 "越空行者" & "L的最後23天")
晨咁早 , 條街冇乜人行 .
今次搭地鐵 "丸之內線" , "池袋" 去 "銀座" 8個站190Yen ,
之後轉 "日比谷線" 既 "築地" 站落車 , 160Yen .
呢度買飛 .
原來晨早既地鐵 , 都好多人搭 , 一輪火拼之後 , 終於都步 .
上返到地面 , 見到呢位啊叔咁既打扮 , 知道應該就到 .
築地場外市場 , 有D抗議橫額喎 .
沿途仲有好多攤檔 , 好新鮮既呢 .
唔單止有街檔 , 仲有舖頭添 .
行入街市裡面 , 差唔多到步 .
由於 "旅遊天書" 話呢間正 , 兼且最多人排隊 , 所以唔理其他舖頭 ,
篤定排佢 , 而且仲係 "志在必得" 果隻 , 話之佢排到下午都係咁話 , haha ...
唔單止篤定呢一間 "壽司大" , 仲篤定呢個 "旬魚" 套餐 3670Yen .
由上果張相一跳就到裡面 , 其實中途已經排左1小時10分鐘 ,
鋪外粗略估計有20個左右等緊 , 認真唔簡單 .
(呢張係隔離果位既壽司 , 食物就咁放檯面 , 係呢度既特式)
剛坐落叫果個 "旬魚" 套餐 , 製作中 ...
唯有影住其他先 , D蝦好新鮮喎 .
其他食材都好正架 .
首先黎碗湯 .
第一件 , 唔知乜東東 ? 不過好好味 .
老老實實 , 大部份既魚我都叫唔出名 , 如果你地知道 , 不如話番俾我聽 .
繼續食 .
如果冇估錯 , 呢件應該係 "北寄貝" .
中場休息 , 影張相先啦 , 1~2~3 笑 !!
工作時好認真架 .
再參觀店內擺設 . (其實間舖好細架咋)
再來 .
一位師父招呼幾個客架 , 真係要無影手至掂 . ^_^ !!
海膽 .
唔好俾佢停 .
??? 乜東東 .
疑似 "吞拿魚" .
鰻魚 .
一條四件 .
最後翻兜一件 "海膽" .
再影相 , 幾靚仔喎 . ^0^ !!
最最後一件係 "蒸蛋" , 甜甜地加上熱辣辣 , 好小食過咁正既蛋 .
OK , 食完拿淋埋單 , 外面仲有好多人等緊位架 , 無謂要人久等 .
埋單 3670Yen , 雖然貴左D , 不過物有所值既 .
係呢 , 聽講話呢度就黎搬場 , 事隔多年 , 唔知家陣點環境呢 ?
如果有 Blog友知道 , 請通知聲 .
Bye Bye !
