2010北海道10天自駕遊(修訂版)D8-7小樽運河篇

Hello !

上回講到在 "三角市場" 裡面食午飯 ,

之前好幾日都係食 "豆沙包" & "奶茶" , 所以呢餐真係好掂呀 .

食完飯當然要散步啦 , 一場黎到 "小樽" , 幾大都去 "運河" 果頭行 , 

舊地重遊嘛 , 果日風和日麗 , 曬到正一正 , 都幾熱喎 .

中途經過  小樽都通リ

呢度好有 "狸小路" Feel , 不過欠缺些小人氣 .

行落小小經過 "舊手宮線跡地" , 上次黎到鋪滿雪 , 

今次可以看個究竟 , 綠草如茵 , 正呀 .

仲有散策巴士 , 有D "三蕃市" Feel .  ^_^ !!

  

終於行到運河 , 雖然見慣見熟 , 不過咁好天氣 , 心情都靚D .

咁就要影多幾張相喇 . Yeah !

藍天白雲既 "小樽運河" .

同上次冬天係咪好唔同呢 , 直情係 "差天共地" 呀 .

對面既 "出拔小路" .

乜行兩行就成兩點鐘 , 真係快活不知時日過 .

氣溫10.3度 , 點解感覺咁熱既 ?

呢個方位既 "小樽運河" 景 , 好多Blog友度都見到 .

我諗係條橋個名掛 ?

隔離 "小樽運河食堂" , 呢個景亦好有人氣 .

"洋服之青山" , 諗起 "反轉豬腩是王子" .

向 "水晶音樂城" 方向行 , 冇幾耐見到 Toyota 租車公司 .

門口泊住部黑色 "WISH" , 型呀 .

有部車清理緊 .

可能有人剛還車 .

之後果D相 , 大家都好熟 .

呢間有 "下午茶" 飲 , 可以拎走埋隻茶杯 . (套餐包埋)

上次黎到呢度係黃昏時份 .

仲係落緊雪 , 凍冰冰 .

呢張個景好靚 , 我好鍾意 . ( 請鼓掌 )  ^^

等了一年 , 又係報仇既時候 .

一齊飲下午茶 , 我請客 .  haha ...

Bye Bye !

2010北海道10天自駕遊(修訂版)D8-6三角市場午飯篇

Hello !

上回講到遊覽完 "小樽水族館" 之後 , 都已經係午飯時間 , 

所以講多無謂 , 即刻就去 "小樽駅" 既 "三角市場" .

預計時間 P.M.12:16到達 , 呢D三百米線 , 

好好駛架 , 有佢就唔怕入錯路口 .

斜斜地咁直去就OK .

嘩 , 差D過廟 . haha ...

我諗呢架貨車仔都係去 "小樽" , 跟住佢實冇衰 ,

打燈轉右 . (每次轉灣我都打足燈號架)

掛住影相 , 用多兩分鐘添 , 到達時間 P.M.12:19

未黎之前聽人講 , 話 "小樽" 呢度好難泊車 ,

都唔係丫 , 依我所見 , 只要肯俾錢 , 唔憂冇訂泊 ,

今次就泊 "小樽駅" 11點方向既停車場 .

有晒價目表 , 明碼實價 .

都未泊過呢味中間卡死你既位 .

走果陣未必有時間 , 依家講解D程序先 .

首先揀番泊位既號碼按確認 , 然後按精算 , 佢就會同你計數 .

(今次係9號位 , 千祈唔好攪錯 , 幫人俾埋錢)

就呢度埋單 , 不過記得確認塊鐵落低先好開車 , 否則後果自負 .

介紹完過黎影相 , 呢度就係巴士站 , 想去 "水族館" ,

就呢度上車 , 上次去 "天狗山" 都係呢度 .

有晒班次時間表 .

連巴士站都有 "蓋章處" , 認真唔簡單呀 .

去 "積丹半島 & 神威岬" 都有巴士 .

有乜唔明就問案內啦 .

一場黎到 , 點都要參觀埋個車站至食得安心 .

右手邊 , 觀光案內所 .

呢邊買車票 , 大家熟晒路啦 .

上車喇喂 . Yeah !

係時候搵食飯 , 今次一於食餐好既 , 

就去隔離 "三角市場" 既 : 武田鮮魚店 .

大把野任你揀 , 有D花多眼亂添 .  ^^

幫眼睇食乜好 ?

諗住叫個 "海鮮丼" .

再搭多兩味刺身就攪掂 .

都幾多人食 , 唔知係本地人定遊客呢 ?

除堂食之外 , 呢度仲有D乾貨賣 , "帶子乾" 2700Yen .

連天花板都黐滿相片 .

有部電腦嚮度 , 不過係業務用 , 不予外借 .

影多兩影D野就黎 , 甘蝦刺身5隻 . (400Yen)

北寄貝一客 . (500Yen)

勁滿既 "什錦海鮮丼" . (1500Yen)

再送個湯 (免費) , 黎個大合照 .

由於一陣要駕駛 , 所以冇叫到啤酒 .

咁多位 , 慢慢食 .

Bye Bye !

P.S. :  原來淨係一碗 "海鮮丼" 都唔簡單 , 再加埋其他 , 

呢一餐認真和味 , 不過最令我估唔到既係果個 "北寄貝" , 

價錢平過 "函館" 之餘 , 仲好食過佢添 , 

我諗同 "苫小牧" 果D都唔會差得太遠 .