2011北海道10天雪地自駕遊(修訂版)D10-1クロスホテル早餐篇

Hello !

第10日 ~ 2011年2月4日 , 星期五 .

上回講到食完個拉麵 , 返酒店睇電影 , 之後休息 .

一起身就到第十日 , 亦即係最後一日 , 心情難免有D離愁別緒 .

今日基本上冇乜行程 , 整日都係飛機駁飛機 .

上篇都唔記得介紹 , 呢D係尋晚買既手信 , 

部份啤酒在 "阿寒湖" 度買 , 香港" 既Asahi淨係得銀色罐 , 

"麒麟啤" 都好悶 , 呢度就唔同咯 , 大把俾你揀 . Yeah !

仲有些小濕碎野 .

講番呢度個 "洗手盆" , 用透明玻璃造 , 我好欣賞 , 

唔怕失禮講句 , 屋企既洗手盆 , 仲係用緊 "核核突突" 果隻 . XD

所以見到呢度咁In , 難免心生嚮往 .

再影窗外 , 不過呢度9/F , 唔駛慌有乜景觀 .

果然係令人失望 , 唔似得上兩次咁好風景 .

落去食早餐 , 地顫都有酒店名Cross Hotel .

都幾多人喎 , 叫做有番D人氣啦 .  ^^

冰鎮沙律 . 勁 !

沙律醬 , 無得彈 .

麵包 , 咦 ! 冇乜貨喎 , 點先 ?

果日冇乜節目 , 所以晏了起身 , 接近尾聲 . =_= !! 

主角當然係 "煙肉" & "腸仔類" .

今日最後一擊 , 幾大同佢食到盡呀 .

日式 ? 唔駛喇掛 .

仲有D唔知乜野 ?

麵包可以在隔離部機叮叮佢 , 叮完好食好多 .

黎多個 Round , 不過都係果D野 .

餐後咖啡一杯 . 好正 !

食完早餐上房執野 , Check out 後就要同酒店講 Bye Bye .

CROSS HOTEL , 正所謂影開有人爭 , 要等一陣先影到呢張相 .

酒店門前 , 呢間酒店好多分店 .

歡迎 ~ 歡迎 , 熱烈歡迎 !

Bye Bye !

2011北海道10天雪地自駕遊(修訂版)D9-8完(拉麵共和國篇)

Hello !

上回講到介紹完酒店房間 , 

連隨去 "企鵝王國" 度購物 , 其實除食品之外 , 

其餘基本上我乜都無缺 , 所以都係齋睇唔買居多 , 

不過雖然係咁 , 淨係齋睇都好痛快呀 .

最後在 "狸小路" 好似5-6街果間專做旅行團生意既手信鋪買野 ,

有九折架 , 係咁咦執番些小啦 , 都係以野食既為主 .

買完野都係時候食晚餐 , 途中經過 "摩天輪" .

途中見到 "札幌市電" , 順便影番張先 .  ^^

其實我想幫襯對面 "味之時計台" , 再試佢既 "牛油帶子拉麵" , 

只不過攪到晏晒 , 去到裡面 "高朋滿坐" 不特止 , 

仲有3~5~7個人嚮度等位 , 等得到黎都餓死咯 , 

所以要改變計劃 , 轉往 "拉麵共和國" .

札幌駅前通地下步道 , 開通は平成23年春(予定)

P.S. : 條地下步道早已經開張大吉 , 仲幫襯過添 , 唔駛停燈位 , 好爽架 .

去到 "拉麵共和國" , 幫襯邊間呢 ?

就幫襯 "白樺山莊" 啦 , 貪佢個朵夠行 .

無車一身輕 , 今晚一於飲大佢 , 不醉無歸 .  ^^

本來想叫 "餃子" , 不過海報上有好野推介 .

拉麵當然係穩膽啦 , 揀邊款好呢 ?

話咁快就黎埋 , 食先喇 .

無料喎 , 一於唔好同佢客氣 .

好多人幫襯 , 幾近坐無虛設 .

埋單盛惠1830Yen , 食完出黎再參觀 .

大家都熟晒架啦 , 求其影兩張交差算數 .

黎張火車頭 .

返到酒店 , 呢包沙係在街邊拎黎以防萬一 ,

見過人地D網誌 , 話個轆攝落雪裡出唔到黎 ,

所以諗住加D沙增加磨擦力 , 依家冇穿冇爛 , 都係時候物歸原主 .

就係呢D箱 , 擺番落去 , 唔該晒 .

Bye Bye !

第九日完 .

2011北海道10天雪地自駕遊(修訂版)D9-7クロスホテル房間篇

Hello !

上回講到入完油 , 還完車 , 

拎埋D行李去 "CROSSHOTEL" Check in . 

今晚住 9007號房 , 呢篇介紹間房 , 

不過都唔好有乜野期望 , 呢度始終係 "札幌" 嘛 .

一入去 , 左邊係洗手間 & 浴室 .

洗手間 , 右邊係浴室 . (冇浴缸)

透明洗手盆 , 果然特別 , 妙 !

馬桶一個 , 側邊有掣按 .

大床一張 , 有床頭燈 , 睇書最適合 .

寫字檯 , 隔離 LCD TV .

小鬧鐘一個 , 下面有按鈕控制房燈 .

由頭至尾 , 好細間既呢 . (同之前既比較)

較暗D間房燈 .

暗藏電掣 & Lan 插頭 , 充滿 Cyber feel , 讚呀 !

介紹完間房後出去行 , 

途經 "時計台" 一時技癢 , 影番Part相都好喎 .

時間所限 , 兩張就算 , 呢張由對面影過去 .

繼續行 , 經過 "大通公園" .

當晚係2月3日 , 雪祭準備中 ...

綠色雪糕筒果度好跣架 , 見到有人跣到攤攤腰 .

就開張喇 , 爽手D啦 . XD

自衛隊協助運冰 ?

"札幌鐵塔" , 之前參觀過 , 今次唔上咯 .

一直往 "狸小路" 方向行 .

目標就係呢間 "企鵝王國" .

淨係呢間都足夠行成日 , 裡面好多古靈精怪野賣 , 

唔講咁多住 , 上去掃貨先 , 解散 . 

Bye Bye !