Hello !
上回講到行路返酒店 , 呢篇繼續 .
睇陣電視 , 梳洗過後就休息 , 一覺醒來就係行程最後一日 .
今日基本上冇乜行程 , 所以晏小小先起身都得 ,
起身之後仲有時間睇晨早新聞 .
而呢單新聞就係我之前所講既 "巴士司機疲勞過度炒大鑊" ,
我就話一晚半晚通宵車 , 兼且後生頂得住 , 若然長期疲勞轟炸 ,
真係金屬都會疲勞 , 所以最高工時真係好重要 .
節目正在討論呢個問題 , 不過我當然唔識聽啦 .
下一單新聞 , 由7月開始 "東電" 家庭用電價格提升10% .
東電社長 , 西澤俊夫 . (聽講已經退任)
大家對今次加價 , 有乜意見 ? 贊成定係反對 ?
梗係反對啦 , 依家D環境咁差 ,
仲話加價 , 傻既咩 ? (設計對白)
原來都有人贊成加價 , 仲以為一面倒反對添 .
仲係 2:1 , 咁就唯有接受加價啦 (唔知最終有冇加到價呢?)
泊崎刈羽原発 , 重新投產 , 否則又要停電 .
睇完電視都係時候食早餐 , 係得1/F果間 , 冇得揀 .
係佢喇 , 次次都係呢間架啦 . ^^
又鮮奶又咖啡 , 一於飲大佢兼食大佢 . ^_^ !!
果日係4月30日 , 假期前夕 , 裡面幾近坐無虛設 .
所以都冇心情慢慢嗒 , 快手攪掂上7/F大堂攤抖 .
有人用緊電腦 , 等等佢啦 , 反正有的是時間 .
上完網上房執野 Check out ,
落到樓下 , 呢個影相位 , 好難忍得住手 .
Century Royal Hotel , 呢間酒店好似好豪華咁 .
之前講過 , 如果情況許可 , 我都係鍾意坐巴士出機場 ,
即使 JR班次穩定 , 時間快D都係咁話 .
15分鐘一班車 , 話咁快就有車 .
開車喇 .
銀色 Axio , 好有型既呢 , 不過我鍾意白色多D .
咦 ~ 後面咁多吉位 ?
唔駛驚 , 沿途不斷有人上車 .
好快就坐滿咁滯 .
經過 "狸小路" 6
仲有DD位 , 上埋黎啦 .
條大運河幾正喎 .
札幌 --- 知床 直行 1日2往復運行 .
(真係有呢條線架 , 唔係淨係得我咁癲行通宵車)
好快就上高速 , Check 下有冇插ETC咭 .
(當正自己係司機咁 . haha ... )
攪掂 , 唔該幫我拎番件行李出黎丫 .
由於我早上車 , 所以件行李質得好入 , 等多陣啦 .
唔該晒 , 唔記得講埋 , 落車先俾1000Yen車費 .
Bye Bye !
