2014北海道11天自駕遊D11-3 千歳サケのふるさと館篇A

Hello !

上回講到到達 千歳サケのふるさと館 , 

講多無謂 , 即刻入場 , 由於呢度實在太精彩 , 所以要分兩篇寫 , 

今晚睇住篇A先 , 向右邊行丫 , 唔該 .  ^_^ !!

出面有露天茶座 , 如果未食野既話 , 可以諗諗佢 .

一齊黎扮三文魚 . haha ...

金魚 ? 咁都得 ~ 裝飾黎唶 , 裡面D三文魚多到睇唔晒 .

好 ~ 入場 .

入場券 , 大人800Yen .

前面請進 .

燈光位都係三文魚 , 果然夠貼題 .

一入場就見到兩條勁大三文魚既標本 .

大型魚缸當然唔小得 .

之前好似講過 , 游緊水既魚好難影 , 呢張叫做比較滿意 .

原物實大模型 .

三文魚籽 , 我諗都係塑膠製品居多 ?

未成年魚糟簡介 .

跟住係實物 .

未成年 ? 做得刺身未呢 ?

鱘龍魚 Yes , 大白鯊 No , 乜野意思 ?

各款三文魚介紹 .

呢條相信就係傳說中既鱘龍魚 .

再一次影果兩條 King Size 標本 , 攪掂過隔離 .

有兩部電腦任用 , 不過都係用作魚類介紹 .

即刻就有人用 .

魚缸小擺設 .

仲有好多小魚缸 .

三文魚毛 .

游得好快 .

呢缸深色D .

鍾意邊一缸 , 點影都得 . Yeah !!

按下綠色掣有野玩 .

隔離又一堆魚缸 .

呢缸唔通係彈塗魚 ?

不中不遠矣 .  ^^

呢邊好玩呀 , 釣龍蝦 .

好多人一齊玩 .

釣到即刻做刺身 , 你就想喇 . haha ... (擺番落去咋)

篇A講住咁多先 , 聽晚講埋篇B .

Bye Bye !

2014北海道11天自駕遊D11-2 夕張PA

Hello ! 

上回講到食完個早餐之後 , 上房執齊野 , 準備出發 .

酒店錢尋日Check in 時已經俾左 , 落到去只係交鎖匙同埋拎收據就OK .

話時話 ~ 有部份酒店要求Check in時俾埋錢 , 有D就走果陣先俾 ,

不過絕大部份都係後者 , 要俾錢先既大約佔一成左右 .

兩樣都冇所謂啦 , 反正都係俾 , 遲俾早俾都冇問題 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂晒所有手續正在出發途中 , 本來係輕輕鬆鬆既行程 , 

中途又攪單刺激野我歎 , 真係俾佢嚇親 . (應該話俾我嚇親)

話說諗住上高速過千歲果頭 , 過左ETC閘口 , 有個分叉路口 .

左邊係 帶廣 , 右邊係 札幌 / 苫小牧 , 正路就梗係行右邊 , 

不過當時只留意到 苫小牧 , 好似唔啱喎 , 結果糊裡糊塗地行 帶廣 果邊 , 

咁就出事喇 , 聽人講 札幌 去 帶廣 要3粒鐘 , 就算呢度係 夕張 , 

減半都要粒半鐘 , 一來一回咪3粒鐘 , 到時唔好話 千歲三文魚館 冇得去 , 

就連航班亦都未必趕得上 , 還記得當時真係有D心寒 , 不知點算好 ?

只係不斷向前行 . (高速冇得掉頭) 好彩 ~ 行左大約12分鐘 , 

有個叫做 むかわ穂別 既出口 , 於是乎有理冇理都出左去先作打算 .

(如果Miss左呢度 , 下一個出口要去到 占冠)

中途經過 穂別ダム , 不過都冇乜心情欣賞佢 , 只想快D重行正軌 , 

皆因當時油缸存量得番好小 , 想盡快搵到油站入油 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

行番正常方向 , 驚魂甫定之後 , 去到一個叫做 : 夕張PA 既地方 , 

停一停 , 抖一抖 , 回一回氣 . (俾佢攪一攪 , 磨左我半粒鐘)

軟雪糕OK嘛 ? 食完早餐仲有D飽 , 唔食咯 .

夕張PA

去一去洗手間 .

呢度仲係IC範圍 , 有D高速公路資料 .

MAIL BOX . (係咪真係可以寄信 ? )

攪掂上車繼續行程 , 個位泊到衰衰咁 , 可想而知當時既心情 .

(後面果部車都係白色Prius , 混能車市場滲透率極之高)

跟手駛過小小 , 有個油站 .

有樣又係唔講唔知 , 高速公路附設既油站 , 油價比一般街道貴DD .

之前好似講過 , 電油味好哽 , 不准吸煙絕對有理由 .

呢張相做左版面 .

果陣只係入左2000Yen油 , 因為仲要行多一段路先到 千歲 .

如果依家入滿既話 , 好似唔多公道 , 都係臨還車前先入滿佢 .

經過一輪火拼 , 最後終於到達 千歲三文魚館 .

呢度亦係一個 道の駅 , 叫做 : サーモンパーク千歳 .

而三文魚館就叫做 : 千歳サケのふるさと館 .

下篇入場參觀 . 

Bye Bye !

2014北海道11天自駕遊D11-1 夕張HOTEL MOUNT RACEY早餐篇

Hello !

上回講到食完晚餐浸完溫泉就訓覺 ...

跟住黎到最後一日 , 今日只得一個景點 , 就係 : 千歲三文魚館 .

咁點解晨咁早起身 ? 因為要去浸溫泉 , 返到香港就冇機會架喇 .

攪掂就去食早餐 , 地點與晚餐場地相同 .

擺設都係一樣 , 只不過係換左早餐食物 .

食物一樣咁豐富 , 跟住落黎介紹一下佢地 .

老規矩 , 首先拎份托盤與餐具 .

跟住拎番轉食左先 .  ^_^ !!

好 ~ 開始喇 , 首先係最大路果幾味 .

麵包絕對唔可以缺小 .

時間許可既話 , 記得叮一叮佢 .

乜好似發霉咁款架 .  XD

之後果D排名不分先後 . 雜果 ~ 

麥片 .

配菜 ?

日式漬物 .

雞蛋 . (玉子)

豆腐 .

薯仔 .

綠色蕎麥麵 .

粟米湯 .

炸物 . ( Fried Horse Mackerel )

本日の焼き魚

呢類酸薑蕎頭 , 送粥一流 .  ^^

配料多到數唔晒 .

煎蛋 . (有個鐵圈 , 包唔會出位)

呢幾味雖然唔多起眼 , 但見到都會食番些小 .

菜 & 車厘茄 . (係咪尋晚果兜 ? )

青瓜 .

生果 .

咖啡 .

橙汁 & 鮮奶 .

策略係先飲鮮奶 , 最後輪到咖啡 .

食完 ~ 上房執野 . (唔駛太急 , 今日大把時間)

Bye Bye !