2018四國9天自駕遊D4-2 宇和島市內觀光篇

Hello !

上周俾世界盃攪到停左幾日 , 今日做完晒 . (免費賽事)

可以重新出發 , 拖左幾日冇出稿 , 唔好意思 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上回講到食完個早餐返上房執野 , 埋好張單之後 , 

拎齊晒行李上車 , 經過間旅館 , 順手有照 .

呢間就係尋晚住既 : 宇和島第一ホテル

轉個灣就係停車場 .

擺晒D野上車之後 , 心諗 : 不如行番個圈都好喎 , 

橫掂有時間 , 當食完早餐黎個散步 , 或者市內觀光都唔錯丫 .

跟住就出去行個圈 , 首先見到 , 拉麵店一間 .

跟住係鐵板停車場 , 中間塊鐵板 , 要黎攝住部車 , 

以防你未俾錢就走人 .  XD

望遠小小 , 上面有座 宇和島城 , 不過並不在行程之列 .

Zoom近睇當上左去架喇 . haha ...

之後經過一座鳥居 .

裡面叫做 惠美須神社 .

行完一圈 , 夠鐘返回停車場 .

08:39 出發往第一站 .

第一站係 九島大橋 , 唔係好達 , 十零分鐘車就到 .

今晚簡簡單單 .

Bye Bye !

2018四國9天自駕遊D4-1 宇和島第一ホテル早餐篇

Hello !

上回講到食完晚餐 , 浸完溫泉 , 睇埋電視 , 之後大覺瞓 .

一起身就係行程第四日既開始 , 梳洗過後第一件事就係影街景 .

個窗開得太誇張喇 , 有D酒店只係可以開小小 .

望落樓下 , 第一部車就係我既N-box .

睇下街景先 , 雖然住得唔高 , 不過都有D睇頭 . 

絕大部份都係日式平房 .

只係間唔中有幾座同級數大廈 .

影完相就落去食早餐 , 記得拎埋張早餐券落去 .

交低張飛就可以開始 , 先攞份架生再慢慢巡 .

今日人數唔算多 , 可以邊拎邊介紹食物 . 

先黎個雜菜 + 冷麵 .

火腿 & 生果 .

日式乾魚 .

漬物 & 腸仔 , 仲有一窩粥 .

麵豉湯 .

麵包 & 焗爐 .

飯 ~ 蛋 ~ 紫菜 .

咖啡 ~ 水 ~ 橙汁 , 最左係鮮奶 .

食住第一轉先 , 唔夠再拎過 .

座位分開幾行咁黎間 .

食完 ~ 考慮緊拎唔拎多轉 .  ^^

最後都係飲多杯咖啡就算 , 返上房執野 .

大床 Bye Bye 喇 , 咪執漏野呀 .

Bye Bye 喇 , 620號房 .

Bye Bye !

2018四國9天自駕遊D3-18完 宇和島第一ホテル房間及晚餐篇

Hello !

上回講到參觀完上唔到去既 宇和海展望タワー 之後 ...

都成5點幾鐘 , 今日行程亦都結束 , 係時候往旅館 .

今晚住既旅館叫做 : 宇和島第一ホテル , 一泊一早餐 .

(晚餐唔包 , 停車場無料) 合計 6300Yen , 價錢都OK啦 .  ^_^ !!

去到擺好部車 , 再辦理簡單既入住手續 , 拎齊行李上房 .

首先介紹 , 大床一張 .

大窗一個 , 嫌間房焗既話 , 可以開窗 , 街景聽朝先補上 .

檯底有雪櫃一個 .

電話 ~ 水煲 ~ 茶包 ~ 紙巾 ~ 鬧鐘等等 ...

床尾有LCDTV一小部 .  XD

茶几 & 垃圾桶 .

就番間房既Size , 衣櫃欠奉 , 就咁掛在牆上 .

大鏡一塊 . (倒影係洗手間)

裡面都係基本設施 , 洗手盆&浴缸 .

不過一陣都會落去溫泉果度洗頭 , 今日淋左成日雨 , 

個頭又乾又濕 , 唔洗真係唔掂 .

浴缸 ~ 只係普通Size .

馬桶 ~ 一般OK啦 .

攪掂之後落樓下食飯 , 今日冇乜心機四處搵食 , 

只係在便利店求其買D野頂肚就算 , 所謂好又一餐 , 唔好又一餐 ,

就係咁解 , 況且便利店D野都唔差架 .  ^^

樓下有便利店 , 好快就買左上房 , 仲叮埋添 .

味噌撈粗麵 .

唔夠黎多個迷你三文治 .

仲有特濃芝士蛋撻 .

鮮奶 (依家飲一半 , 浸完返黎再飲埋果半)

貓糧 . (去貓島果陣用)

食完之後睇陣電視 , 之後落去浸溫泉 .

攪掂返上黎都只係晚上10點左右 .

順便介紹埋條鎖匙 , 620號房 , 橙色果張係聽朝早餐券 .

仲有 ~ 頭先在便利店買左把縮骨遮 .

不過打後行程都冇再落雨 , 都好既 ~ 點都好過繼續落雨擔遮 .

飲埋果半盒鮮奶 , 抖多陣就瞓覺 .

第3日完 .

Bye Bye !