Hello !
上回講到返回酒店 , 睇陣電視就梳洗覺 ,
醒番之後影窗外既景觀先 , 唔好浪費30幾樓個View嘛 .
右手邊呢座乜東東 ? 都幾高喎 , 唔知係咪酒店呢 ?
附近既樓平均都唔算太高 ~
應該都比 "札幌" 既高 ~
下面好似係學車既地方 , 不過天台喎 , 怕唔怕架 ?
萬一踩大左油門 , 容乜易連人帶車跌落街 .
好 ~ 攪掂落樓下食早餐 , 酒店早餐 , 我鍾意 , 正呀 .
不過只限於 "西式" 果D , "日式" 既一Set過 , 久唔久就冇所謂 ~
食完唔駛上房執野走 , 皆因住足佢四晚 .
由 "池袋駅" 出發 .
對面有間藥房 , "日本" D藥房 , 真係好好行架 ,
不過依家有要事 , 唔行呢間藥房住 .
(四圍都有分店 , 慢慢都唔遲)
山手線 ~ "池袋" 往 "日暮里" , 都要好幾個站
去呢度既理由 , 全為下面既報導 , 報導話 "日暮里" 呢頭 ,
有個地方好多貓出沒 , 由於以為個朵好行 ,
所以資料搜集方面比較輕率 , 去到搵左好耐都搵唔到 ,
之後再問 "地元?人" (即係當地人) ,
點知佢地都唔知 , 無奈之下 ~ 唯有放棄呢個景點 ,
轉往下一站 : 上野 !
途中在 "日暮里駅" 買多張正宗 Suica咭 , (上面果張係遊客版)
加埋一套 , 要黎做紀念 , 唔錯 ~
去到 "上野駅" , 已經 A.M.11:15 (浪費左唔小時間)
Yamashiraya , 賣乜野既呢 ?
0101
"京成上野駅" , 去機場既鐵路 , 不過冇 NEX 咁舒適 ,
今次回程往搭巴士出機場 , 所以冇幫襯 .
唔好意思 , 攝左途人入鏡 , 不過條街咁旺 , 好難唔影到途人
好多錶賣 , 而且價錢亦唔貴
"上野" 都有藥房分店 , 入去咯
果日買左 "頭痛藥" & "傷風藥" , 試過唔錯架 , 幾駛得
呢篇講住咁多先 ~
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~