2009/10/07

2009北海道8天自由行(修訂版)D7-4T38篇




Hello !


上回講到在 Loft 度參觀及買幾隻貓DVD , 

之後落番樓下過對面  Stella Place , 

先去食街兜個圈 , 最後過隔離 T38 .

呢度要搭專用電梯上架 , 不過要買飛先 .


一般料金 , 大人700Yen


入錢攪掂 .


部電梯頂印住東南西北方向 . (不過電梯裡面知道方向有乜用?)


話咁快就上到 T38 , 首要任務就係影相 .


不過D相雜亂無章 , 就當排名不分先後啦 .


其實呢個景點參觀與否 , 都經過多次腦交戰 .


因為住緊果間房都25樓 , 食早餐果度就35/F ,

T38 豈非只係多3層樓高 ?


不過橫掂都黎 , 咪上去睇睇囉 , 睇戲都要睇全套啦 . 

呢個方向咪我間房望落黎果度 , 高幾層真係望遠好多喎 .


呢度就係Sapporo Factory , 係咪好熟面口呢 .


都幾好睇丫 , 叫做冇黎錯咁啦 .


黎 "札幌" 幾日 , 部份地方我都開始認得到 , 

好似右下角就係上篇既 Loft .


中呀 , Yeah !


而 Loft 對面就係的士站 & 巴士總站 .


最遠個山應該就係 "藻岩山" .


呢張中心點附近就係 "札幌鐵塔" .


又中 , 勁呀 . haha ... (自己讚自己)  ^_^ !!


呢個方向冇乜地方熟識添 .


轉黎呢邊先 , 呢個唔駛多介紹 .


上果幾篇入過去參觀 , 升降機出口 , 不過造型真係好特別 .


呢個方向係 "北海道大學" .


Century Royal Hotel , 好似好高級咁 , 有冇Blog友住過呀 ?


仲有樣值得一提 , 就係呢度既男廁 , 旅遊書話係玻璃幕牆 , 

即係可以一邊方便 , 一邊睇風景 , 去都去得爽D . haha ...

可惜我無緣一試 , 不過之後Blog友小肥兄 , 

send過果度D相俾我睇 , 嚮度要特別嗚謝 !


好 , 風景就最後一擊 !


輪到裡面既擺設 , 連鋼琴都有部 , 係咪俾客人彈架 ?


仲有水吧 , 邊飲邊睇風景 , 一樂也 .


冷巷一條 .


學人影牆邊 , 又係用 F2.8 & 微距果招 .


影齊就搭番電梯落去 .


買飛果層仲有D野參觀 , 咪走得咁快 .

呢張係世界各地高既建築物一覽表 , 國金二期都上榜 .


仲有模型一座 . (上埋顏色會好好多囉)


案內處 . 


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~