2016北海道雪駕遊D5-12 知床午餐篇

Hello !

上回講到參觀完 知床旅遊中心 ...

正準備食午餐 , 不過 道の駅 裡面個食堂D野唔多啱食 , 

不如過隔離便利店好過 , 千祈唔好睇小便利店呀 , 

好多好野食架 .  ^_^ !!

一齊入去咯 .

午餐到 , 係咪好正呢 . haha ...

今日唔算大風 , 可以在門口食 , 仲有靚景欣賞添 .

遠處果舊好似叫做 哥斯拉岩 .

知床ノーブルホテル , 唔錯架 .

營業時間 6:00 - 24:00 (並不是24小時通宵營業)

食完繼續出發 , 下一站係 知床五湖 ~

知床五湖冬天封路 , 呢層當然知道啦 , 不過想去一去佢封路盡頭 , 

叫做睇一睇都好丫 , 呢種心態係咪不到黃河心不死呢 ?  XD

以下呢段片係經山路去到封路終點 , 有時間可以一睇 .

到喇 ~ 就係由呢度開始封路 .  =_= !!

頭先就係在呢條九曲十三灣既山路落黎 .

有一條小溪 , 有D 定山溪 Feel .

又係兩旁鋪滿雪 .

都係唔好行咁落 , 都唔知邊D係鬆雪 , 跌落水就大鑊 .

Elgrand ~ 好似好勁咁 .  (在街上見到都有份親切感)

通行止 , 雪上電單車都唔得 .

暫定4月20日開通 .

上車 , 去另一個封路地方 .

就係 知床峠 既封路終點 .

即係話如果唔封路 , 由呢度直去 , 可以去到 羅臼 .

睇完就落番小小 , 去另一個旅遊中心 , 

就係往 フレペの滝 果個旅遊中心 , 不過裝修進行中 ...

黎過呢度既Blog友 , 認唔認得呢碌柱 ? 唔認得唔緊要 .

咁樣會唔會有番D印象 ? 如果想詳細D , 可以Click入呢度 .

洗手間 . (可以使用)

其他就仍然在努力裝修 .

有幾多地方大家仲記得 ?

俾D時間啦 , 裝修過後有艇搭 . (金句王) ??

門口就係咁樣 .

至於原來個旅遊中心 , 就要移師黎呢邊 .

入去咯 , 地方淺窄 , 招呼唔到 .

入到去本來想租對大腳八黎行フレペの滝 , 不過俾佢游說之下 , 

改為租對類似賣魚既水鞋 , 就係咁樣出事 , 出左乜野事 , 

下篇 蝦碌事件篇 話係知 .  XD

就係咁 ~ 著住對水鞋向住 フレペの滝 方向行 .

記得上次在呢個位見到隻鹿 .

今次見唔到咯 .

淨係見到部鏟雪車代替 . 勁呀 !

睇睇個路牌 .

Bye Bye !