2017/03/27

2017北海道+和歌山11天自駕遊D5-2 唔駛抹車篇




Hello !


上回講到食完個早餐上房執野 , 準備Check Out ...

見到窗外天色唔錯 , 順手影番幾張街外景色 .  ^^

露台一個 , 唔踩出去咯 , 凍冰冰 , 就咁影出去算數 .


先黎左邊 , 萬里無雲兼烈陽普照 , 唔錯 .


河面上出晒煙咁 , 唔講仲以為係溫泉 .  XD


右邊 ~ D雪好棉 . 


執好野落大堂 Check Out , 埋單之後拎番D野上車 .

呢間就係旅館外貌喇 , 紫色既外牆 , 同一般既旅館好大分別 .


另一座比較矮D , 只得四層 .


搵番部車 , 今日唔駛掃雪 , 不過並唔代表唔凍 .


因為支水都結左冰 , 尋晚唔記得拎上房 .  XD


車尾窗結左層薄冰 , 撻車之後好快就會消失 .


虧佢話係低排出汽車 , 我話佢係食油怪就真 . haha ...


停車場冇欄杆 , 夜晚泊車要小心 .


踩錯油既話 , 分分鐘低落河 .  =_= !!


介紹篇漏左呢張相 , 地氈都印住 MARK X , 勁呀 !


好 ~ 攪掂 , 今晚短短地 , 聽晚出發 .

Bye Bye !



沒有留言:

發佈留言

歡迎光臨 , 如果時間許可 , 請留番個言丫 ~