2017/06/09

2017北海道及和歌山11天自駕遊D8-10 樫野埼灯台篇




Hello !


上回講到參觀完 本州最南端 石碑之後 ...

轉往另一邊小島繼續參觀 , 臨轉入小島前 , 見到個海邊景 , 

而咁啱有個凹粒在路邊 , 就停低影番幾張啦 .


係咪唔錯呢 ?  ^_^ !!


推向右邊影多張 .


去小島果邊 , 要經過一條旋轉天橋 .


呢條架空式旋轉天橋 , 都幾有特色 .


除左有特\色之外 , 仲幾勁添 .


點解有部單車響度呢 ?


咁就要參考呢張地圖喇 , 依家在藍色方框 P停車場位置 .

右上角有幾個地方參觀 , 車輛不准駛入 , 唯有租單車 , 租車價300Yen .

租左單車之後先至醒起自己90幾年冇踩過 , 一上車非常之唔習慣 , 

幸好好快就適應返 , 果種感覺都幾痛快 , 就好似重新再學識過咁 .


上車後一口氣踩到盡頭 , 亦即係呢篇既 樫野埼灯台 .


入去咯 .


樫野埼 ~ 日本最初の洋式石造り灯台 .


黎多張 樫野埼灯台 簡介 .


位置圖 .


石造り灯台 , 其他果D乜野造架 ?


裡面有盞大光燈 . (梗係有啦 , 燈塔嘛)


一口氣衝上去 , 順便講埋 , 燈塔入場免費 .


旋轉型樓梯 , 上完有D頭暈 .  XD


呢個乜野黎既呢 ? 應該係裝飾掛 ?


地下果間石屋亦都係參觀景點 , 不過下篇先解決佢 .


跟住輪到睇風景 , 呢度D人都幾鍾意釣魚 , 下面海邊有人釣緊 .


Zoom近D睇 , 有兩個人 , 收獲如何呀 ?  ^^


另一邊 , 一望無際既水平線 .


過多小小 , 岸邊好多礁石岩 .


影埋呢張都差唔多 , 走得 !


Bye Bye !



4 則留言:

  1. 呢度個景真係堅野唔係流野😀
    你租果架好似係有摩打嘅單車喎

    回覆刪除
    回覆
    1. 果度幾好風景架 . ^^
      部單車係有摩打架 , 不過感覺上同冇差唔多 , 而且冇乜大斜路黎試 , 唔可以作準 .

      刪除
  2. 樫野埼,睇個名都知係堅野^^

    回覆刪除

歡迎光臨 , 如果時間許可 , 請留番個言丫 ~