2017北海道及和歌山11天自駕遊D8-13 橋杭岩篇

Hello !

為期一周既 Pokemon Go 優惠 , 已經圓滿結束 , 

係時候重投番旅遊匯報 , 隔得太耐既話 , 恐防會唔記得晒 .  XD

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

上回講到參觀完 樫野埼灯台 周邊景點 , 在離開果陣 , 

發生左一段小插曲 , 話說開車無耐 , 發現俾後面有部車啄住車尾 , 

比正常距離較為緊貼 , 心諗 : 攪錯 ? 啄我車尾 , 你都唔知訂既 ,

(雖然我唔算年少 , 不過氣就依然盛) 就同你玩番兩手 .  ^_^ !!

於是乎一踩油 , 諗住在安全既情況下以極速將佢拋離 , 

豈料佢並未在我倒後鏡消失 , 簡單D講 ~ 無論我踩到幾快 , 

佢都在我後面緊隨 , 雖然冇剛才咁近 , 不過就點都拋佢唔甩 .

玩左十零分鐘 , 過左條大迴旋天橋之後 , 去番市區 , 當我買佢怕 , 

求其駛入間便利店扮買野擺戰 , 類似咁樣既情況 , 都試過好幾次 , 

多數都係輸多贏小 , 有時放唔甩人 , 有時跟唔上人 , 

日本呢度果然充滿住臥虎藏龍既高手 , haha ...  (或者係自己水皮)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

好 ~ 插曲就講完 , 都要入番D油 , 租左幾日車 , 第一次入油 .

以混能車黎講 , Vezel 都算慳油 , 最重要係力水都唔差 .

入滿丫 ~ 唔該 ! 

入完油行多陣 , 好快就到下一個景點 , 呢度既係 道の駅 , 

又係唔錯既影相位 , 叫做 道の駅 くしもと橋杭岩 .

橋杭岩 招牌一個 , 有齊幾種語言翻譯 , 唔怕你睇唔明 .

大約係講有一列850m長 , 約莫40條左右既大石柱 , 一行過咁排住 .

道の駅 都有個咁正既景點 , 係咪好正呢 ?

好多人專誠黎參觀架 , 大巴都有幾部 .

更詳細既解構 .

橋杭岩 , 木造既招牌 , 顏色都襯埋 , 妙呀 .

850m長 , 就由左至右咁掃過去 , 先黎左邊 .

跟住中間 .

最後係右邊 , 一直伸延到出海 .

加埋陽光 , 又一番景像 .

可以落埋去近距離接觸 .

咁就唔客氣喇 , 一齊上咯 , 不過地濕濕咁 , 小心D呀 .

可以行到去海邊 , 勁 !

冇得行咯 , 再行就濕腳 .

用個人黎對比就知道有幾高 .

唔知潮漲時會點呢 ?

會剩番幾多岩石見到呢 ?

地方應該會浸晒 .

爛泥路咁 , 正式係步步驚心 .

D岩石都幾抽象 , 上面果舊似烏龜 , 中間似鯊魚 .  XD

呢舊又似乜呢 ? 要靠大家既創作力量同幻想 . 

有冇人黎過呢度 , 有潮漲相呀 ? 有就通知聲丫 .

黎多張招牌相 , 橋杭岩 .

大家都差唔多喇 , 返黎啦 .

呢度好正呀 , 俾個Like佢 .

小心碎石 , 唔好行咁埋 .

最後一張 . 上車 ~

未住 , 行埋商店都未遲 .

旅遊巴團友都上車喇 .

順便講埋 , 沿途海邊都有唔小靚景 .

不過唔係度度都有位停車 , 只能夠用眼睇 .

有空閒時都可以影番張既 .  ^^

Bye Bye !