Hello !
上回講到參觀完 夫婦岩 之後 , 今日行程正式結束 ...
立即往旅館 Check in , 今晚旅館叫做 扇野の宿 扇芳閣 .
講起呢度就勁喇 , 點勁法 ? 只可以用一個字黎形容 , 就係 : 貴 .
佢係我去過咁多次日本以黎最貴既一晚旅館 , 一泊二食 24560 Yen .
(對其他人黎講可能濕濕碎 , 對我黎講就好鬼貴 , 正式係肉都赤埋)
所以呢篇會用大D篇幅黎介紹佢 , 貴在那裡 ? 睇落去就知 .
辦妥簡單既入住手續之後 , 拎齊行李入房 , 房間號碼係 50A .
擺鞋既地方 .
呢間係洗手間 .
入黎參觀下啦 .
淨得馬桶一個 , 洗手設施欠奉 . (洗手請過對面)
天花燈 & 抽風口 .
趟門裡面就係睡房 .
馬桶房對面既洗手盆 .
下面係雪櫃一個 .
入去房裡面 , 地下有旅館簡介 & 紙筆 .
另一邊有大床一張 .
大床隔離係茶几 .
鎖匙一條 .
不設衣櫃 , 外套就咁掛起 .
電視一部 . (咁既Size , 削左D喎)
茶几上面放左D茶杯 & 茶壺之類 .
對腳可以攝入去 , 下面有張暖氈 , 唔駛凍親對腳 .
跟住輪到講解呢間房既賣點 , 首先 ~ 間房唔算大 ,
貴就貴在房裡面有個室內風呂 , 還記得當日搵旅館時 ,
見到呢間旅館有室內風呂房間 , 價錢亦勉強負擔得起 .
心諗 : 未試過住有風呂既房喎 , 人一世物一世 , 不如就豪一豪佢啦 .
不過有D野 , 係要試過先至知不外如是 .
好坦白講 , 經過咁多次征戰 , 在大浴場大家肉帛相見經已係家常便飯 ,
唔會再有任何尷尬既感覺 , 大家都係果D野 , 又唔係要比較甚麼 ,
況且真係比起上黎 , 我亦唔見得會輸蝕 , 甚至大勝添 . haha ...
所以室內風呂呢家野 , 試一次就夠 , 唔會再翻單 .
就係呢個大浴缸 , 依家仲未有水 .
水龍頭在呢度 , 水溫自己調較 , 要幾熱都得 .
牆上掛盞黃燈 , 夜晚浸果陣 , 夠晒情調 . ^^
圍板一塊 , 防止走光 . XD
浸之前先用花灑沖身 , 就算係室內風呂都要做呢Part .
浸緊果陣可以望到房間情況 , 可惜睇唔到電視 .
(如果睇到電視 , 恐防會浸到過晒火位)
地下去水位做得唔錯 , 浸完放水都去得好快 .
食完飯抖陣就可以浸餐飽都得 . Yeah !!
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~