Hello !
未開始之前 , 再一次講聲唔好意思 ,
上個星期休息多過開工 , 荒廢左呢度 , 令到追開呢度既Blog友 ,
以為行程爛左尾 , 放心 ~ 唔會既 ! 寫過咁多次旅遊網誌 ,
從來都未試過爛尾收場 , 今次都唔例外 , 有拖冇欠 . ^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
上回講到參觀完 道の駅 宍喰温泉 之後 , 緊接往下一站 ,
行行下見到一個叫 海の駅 既地方 , 道の駅 就聽得多 ,
海の駅 都係第一次見 , 一於入去參觀下 , 睇下咩野一回事 ?
(其實都係差唔多既野 , 只不過在海邊 , 所以叫做 海の駅)
停車場隔離建築物 , 應該係間酒店 .
行出小小 , 見到海灘一個 , 先黎左邊 .
再黎中間 , 唔錯喎 .
最後係右邊 , 就黎日落 .
下午四點半有多 , 玩埋呢度就要往旅館 ,
雖然呢度唔似得北海道咁快天黑 , 不過都唔想拖得太耐 .
小型展望台 . ^^
仲有小熊貓四隻 .
野口雨情文學碑 , 起得石碑 , 我諗應該好出名掛 ?
甲浦民謠 .
全套就係咁樣 .
再睇多次個沙灘 , 接近黃昏 , 最適合沙灘漫步 .
或者放狗都唔錯 .
另一邊有大書一本 .
叫做 山頭火行乞日記 .
山頭火 ~ 只係諗起拉麵 . haha ...
大書加山頭火 , 全套就係咁樣 .
離開之後行多冇耐 , 見到個整路牌 , 咁大鑊 ?
聽晚再玩過 .
Bye Bye !
見你脱稿咁耐仲以為你身體唔舒服，冇事就大家放心。3J又係，寫寫吓加拿大又停咗，跟住先知佢同朋友去韓國。追開你哋兩位大作嘅blog友唔知你哋是否有事，相信都會有點擔心。Ok，原來兩位都冇事，咁又可静待你們的遊踪了。
回覆刪除多謝關心 , 脫稿係因為假期玩到個心喪晒 , 連電腦都冇開 . XD
刪除3J就犀利啦 , 簡直係驛馬星動 , 令人羨慕 . 我果D邊算係大作丫 , 只係求其寫咋 , 幸運地得到大家既支持 ,
放心啦 ~ 會俾多D時間寫埋落去 , 不過星期六 & 日會休息 .
原來你哋講緊我，係呀，因為依兩個月忙住去旅行，加上又懶咗少少，我寫埋日本就會寫返加拿大，仲有舊年北歐都未完，放心我唔會俾自己D遊記爛尾
刪除Wow ~ 咁都俾你搵到黎 , 好彩唔係講你壞話啫 . haha ...
刪除遊記爛尾...唔係講我呀, 自動對號入座, 哈哈 :P
刪除Fung Mandy : 放心 , 唔係講你 , 不過如果你都有爛尾遊記 , 咁就要努力D解決佢喇 . haha ...
刪除唉, 係長期爛尾果隻, 都唔知點算!
刪除冇辦法啦 , 只能夠努力 ~ 加油 , 努力 ~ 加油 !!
刪除