Hello !
上回講到浸完溫泉返房早D瞓 ...
跟住黎到第六日 , 起身之後第一件事係開手機捉精靈 ,
期間再梳洗一番 , 攪掂都未落得樓住 .
因為仲要影街景 .
不過都唔好太過期望 , 綠色植物倒也唔小 .
不過都只係屬於後面山坡景觀 .
三張相就交代得晒 . (我部車不是泊在下面)
OK ~ 可以落去食早餐 , 上篇講過 , 呢度食野好 relax .
見乜執乜 , 每樣執小小 .
如果冇估錯 , 應該係昆布飯 , 隔離係西蘭花 .
發泡膠盒裝既係納豆 .
豆腐及配菜 .
麵包 ~ 早餐必備 .
生果及飲料 , 一於飲佢幾杯鮮奶 .
咖啡或茶 .
邊食邊捉精靈 , 零舍開胃 . haha ...
夠晒皮 , 早餐唔食得幾多 .
食完之後仲未走住 , 因為要去銀行交罰款 ,
往旅館果陣 , 用GPS搜尋附近有乜野銀行 , 搵到一間叫做 :
愛媛銀行本店 , 由旅館步行過去 , 需時18分鐘 ,
(唔知佢有冇車位 , 所以諗住行過去) 點知行到半路 ,
見到間 伊予銀行一万支店 , 橫掂邊間銀行都得 , 就呢間啦 .
入到去裡面 , 俾張入數紙個職員 , 佢地就識得做野 . 呢間銀行仲正啦 , 一個客都冇 ,
如果好似 中銀 咁 , 排隊排到你心都寒 , 咁就影響埋打後既行程 .
交出 15000Yen 之後 , 取回收據就走得 , 行返旅館執野及Check out .
中途參觀下佢既街景 , 當係市內觀光 .
見到有部電車黎緊 .
呢部電車 , 充滿 Cyber feel , 型呀 .
香港都應該考慮引入番幾部 , 舊果D睇到悶晒 .
俾佢攪一攪 , 耽誤左唔小時間 , 開車時間係09:50
黎到呢區 , GPS自動變左立體 , 幾過癮丫 .
前面果D就係舊款電車 , 有新車就梗係想搭新車啦 . ^^
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~