Hello !
上回講到參觀完 第68 & 69番靈場 , 跟住去下一站 .
亦都係今日既行程尾聲 , 叫做 : 瀬戸大橋タワー .
勁大既停車場 , 搵多部車睇下都冇 . XD
因為泊晒在呢邊嘛 , 不過都唔算多車 .
去到塔底入口 , 個主持好似收工咁既款 ,
呢度話就話5點收工 , 實則4:20就截止 , 我去到果陣係4:10
之後佢問我邊度黎 ? 我答 香港 , 佢諗左一陣話OK做埋你先收工 .
其實都唔係幾好意思 , 一個人幫襯要佢重新開機 ,
但係一場黎到 , 我又好想搭 , 幸好佢都肯開機 .
入場券 , 大人800Yen .
好快就等部機落黎 , 跟手入座再上升 .
由於個台在上升中自轉 , 所以即使個人唔郁 , 都可以360度咁觀光 .
轉到去大橋果邊.
呢個叫做 瀬戸大橋タワー , 條橋當然係 瀬戸大橋 啦 .
下面果度有個 大橋記念館 , 一陣就去參觀 .
好快就一個圈 .
上得到黎做既野 , 就係影相 ~ 影相 ~ 再影相 .
頭先影海 , 今次影島 .
見唔見到接近黃昏既夕陽 , 再遲D黎佢都未必肯開機 .
又見大橋 , 今次比較平排 .
呢度佔地甚廣 , 可惜時間唔多 , 未能逐一參觀 .
大橋直通過呢段架空路 .
一直去到尾 , 都幾長下 .
再兜一個圈 .
轉左幾多個圈呢 ?
下面水質都唔錯喎 .
呢座就係 大橋記念館 .
攪乜野 ? 咁大煙 .
溫室氣體日排夜排 , 全球暖化多得佢唔小 .
轉到呢度開始降下 .
開始日落咯 .
參觀埋個記念館就往旅館 .
排排坐 , 一次都坐到好多人 .
落到地面 , 影番張全景圖 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~