Hello !
一年一度 , 今日又黎到生日會喇 , 循例講聲唔好意思 ,
上篇網誌距離至今 , 已經7個多月 , 呢段時間荒廢左呢個網誌 , 真係冇辦法 .
願望就食完先講 , 依家介紹左個蛋糕先 . ^_^ !!
普通雜果蛋糕一個 .
先切份大既 . (幾近四份之一) haha ...
呢份我既 .
蛋糕既士多啤梨 , 一定係酸既 . >_< !!
加埋盒菊花茶 , 正 !!
黎個大合照 , 其他果D自便啦 .
食完就講生日願望及其他野 , 願望就大眾願望啦 ,
身體健康 & 疫情早日退散果D大路野 , =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
之後就講呢排去左邊 , 其實冇乜去邊度 , 只不過係無心戀戰 .
以前成日望去日本 , 四圍搵料之餘 , 又寫下去邊度邊度 , 依家0出門 .
都冇乜心機寫落去 , 打後既日子 , 相信都係久唔久寫一篇半篇 ,
實在係冇辦法之中既辦法 , 呢個疫情沒完沒了咁玩落去 , 真係冇佢符 .
我要下個月先至夠6個月打第三針 , 唔知有冇第四針 ? XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好喇 , 講住咁多先 , (話唔定) 明年生日篇再見 . haha ...
Bye Bye !
吾使等明年生日才寫呀^_<過時過節都得架^_^補祝你生日快樂﹗我年年生日都一樣食蛋糕慶祝﹗無得去旅行就吾使搵料,反而我多睇左旅遊YOUTUBE﹗
回覆刪除明年先寫就講大左D , 久唔久有新題材都會整番篇 . ^^
刪除我咪又係 , 得閒無事就上Youtube , 每日都幾粒鐘冇走雞 .
多謝你既補祝 , 不過26號先至係正日 .
今日26號,生日快樂﹗
刪除多謝多謝 , 食多件蛋糕 , 飲多杯 . ^_^ !!
刪除話咁快又一年,生日快樂������
回覆刪除通常無旅行去都會少咗出post,好多網友都荒廢咗一年半載了。
我暫時都唔諗旅行依樣嘢,亦唔到你諗,依段時間主要响香港搵地方去行吓,唔駛返工再困响屋企人會顛,好在我身邊都有D朋友可以一齊玩,叫做無咁悶,所以每個月都會有一兩個post,你放假都可以去郊外行吓抖吓氣心情都會好D架。
依個疫情不斷出現變種病毒,根本係好難控制,我認為無社區爆發,第三針未必要即刻打,我會睇定先囉。
係呀 , 寫呢度最主要都係日本遊記 , 依家冇得去 , 大家都心淡 .
刪除閒日出去玩的確唔錯 , 可以考慮 , 千祈唔好節日出門 , 本地都係咁話 ,
好似今日聖誕 , 離島等地方爆晒廠 , 怕怕 .
香港防疫咁甩漏 , 社區爆發只係遲早問題 , 到時可能排長龍 , 所以到時候我諗住打左先講 .