2011北海道10天雪地自駕遊(修訂版)D4-10網走監獄篇A

Hello !

上回講到去到 "網走監獄" 門前 , 今集一於入去參觀 , 

不過果度地方都好大 , 要分幾篇先寫得晒 , 仲有D地方Miss ,

不過唔會再去多次咯 , 呢度睇一次就夠皮 .

一上到去 , 見到一條橋 .

  

呢條橋大有名堂 , 叫做 "鏡橋" .

(我諗都係 "苦海無邊 , 回頭是岸" 之類既意思掛)

案內圖一張 , 地方比想像中大 .

買飛入場 , 之前講過有優惠券 .

正價要 1050Yen , 優惠價 940Yen , 慳 110Yen .

   

影番張門前大合照先 .

仲有呢一位 , 唔好漏呀 .

左手邊掃地 .

右手邊睇場 .

幾靚仔有型喎 .  ^_^ !!

  

創始者 : 佐藤  久翁之像 .

懲罰房 .

"甘酒" 任飲 , 不過一陣要駕駛 , 所以冇飲到 .

呢位係蠟像 , 唔係真人 .  ^^

刑務作業之製品 .

我諗係 "探監房" 掛 .

蓋章處 .

監獄都玩雪人 ? 幾好手工喎 .

麵包超人 .

休憩所 .

懲罰房 , 玩戶外 ? 果然係大懲罰 . haha ...

早D休息 .  XD

呢度有詳細講解 .

有人看守住 , 想逃獄都唔係咁易 .

D被夠唔夠暖架 ? 想煤死人咩 .  >_< !!

Bye Bye !

2011北海道10天雪地自駕遊(修訂版)D4-9道の駅午餐篇

Hello !

上回講到經過兩個 "道の駅" 同埋 "サロマ湖" 之後 ,

再去到另一個 "道の駅" ,  就叫做 : サロマ湖 .

兜兜轉轉 , 原來仲係在 "サロマ湖" 範圍 , 呢個湖佔地都幾廣 .

前面就係 "サロマ湖" 道の駅 .

有隻巨型 "北極熊" 守門口 . haha ...

一齊入去參觀 .

呢邊係小食 & 紀念品部 .

當時經已係下午一點鐘 , 又到午餐既時候 .

午餐到 , 豬肉包 & 類似波子汽水 .

幾啖就食完 , 跟手四圍參觀多陣 .

樓底幾高喎 , 我鍾意 .

  

隔離係 "觀光案內所" .

當然唔小得 "白之戀人" .

離開 "道の駅" , 再行多10分鐘 , 依然係 "サロマ湖" 境內 , 

咁難走出去既 , 莫非呢度係迷宮 ?

乜個牌咁殘架 , 搵人執執佢好喎 .  ^^

雖然好凍 , 不過都要落車影番兩張 .

  

密漁禁止 , 真係湖黎架 .

好 ~ 影完 , 上車 !

終於離開 "サロマ湖" , 去到 "能取湖" . (個牌仲殘D)

去到一個叫做 卯原內交通公園 , 鐵道記念館 .

呢舊本來係蒸汽火車頭 , 不過包到密密實實 .

都唔怪得佢既 , 唔包住佢 , 容乜易俾雪鋪滿 .

  

在 "能取湖" 附近 , 不過唔係 "能取岬" 果頭 .

  

再行多陣 , 到達 "網走湖" .

結晒冰冇野睇 , 不過另一邊既 "網走湖" 好似好多野玩 .

  

"網走湖" 又點小得 "道の駅" 呢 , 又到一個 .

  

呢個 "道の駅" 叫做 メルヘンの丘めまんべつ

由於趕時間 , 所以冇在裡面影相 .

  

跟住一口氣去 "網走監獄" . 

由 "紋別" 黎到呢度 , 足足用了 3小時27分鐘 , 

不過要加埋落車影相同埋參觀 "道の駅" 既時間 .

Bye Bye ! 

2011北海道10天雪地自駕遊(修訂版)D4-8差D瀨大鑊篇

Hello !

上回講到離開 "冰海展望塔" , 準備前往 "網走" 方向 .

行了無耐 , 去到一個燈位路口 , 前面有部 Van仔在等轉燈 ,

去到差唔多要停之際 , 先至發覺停車距離唔夠 , 

即使踩煞掣踩到轟 ~ 轟 ~ 轟 ~ 都停唔得切 , 自忖必死之際 , 

(當時只係剩番些小動力 , 即使撞到都唔會有死傷)

果個時候好似突然停頓咁樣 , 心諗 : 唔通我一世英明 , 

今日要栽在呢度 ? 唔好呀 ~ 就在果一剎那 , 忽然人急智生 , 

見到隔離右線冇車 , 不如扭去隔離咪唔駛隊埋去囉 , 

隨即扭軑過去 , 結果凸出多兩尺先至夠位煞停部車 , 真係險到爆呀 .

路多車小呢個亦係我喜愛 "北海道" 既原因之一 ,

因為如果隔離線有對頭車既話 , 咁就真係玩完 !

大吉利是講句 , 若果真係撞車 , 言語不通之下 , 真係唔知點解決 ? 

賠錢都事小 , 俾人怪責事大 , 因為掉番轉係我停燈位 , 

後面有車隊埋黎 , 即使好似我咁好修養 , 都會落車鬧爆佢 .  ^^ 

驚魂甫定之後 , 檢討點解會發生呢件事 , 思前想後之下 , 

原來由我第一日取車至到依家 , 都甚小行呢D厚底白雪路 ,

唔係黑色地下兼大直路 , 就係四圍都冇車 , 所以今次先掉以輕心 .

在 "香港" 成日講預留多D空間煞車 , 都係紙上談兵 ,

黎到試過要幾多空間先煞得停部車 , 先至係實戰 . 

下圖並非事發地點 , 出事果陣都嚇到標冷汗 , 

邊得閒影相 , 所以冇相參考 .

  

由 "紋別" 去 "網走" , Google 地圖果度睇 , 

只係得一寸 , 原來行起車上黎 , 都幾遠喎 .

去到一個 "道の駅" , 停車休息一陣先 .

"道の駅" 叫做 かみゆうべつ温泉チューリップの湯

呢度真係有溫泉浸架 ~ 利害 !

買張 "入浴券" , 入去浸番Part先 .

講笑咋 , 仲要趕路 , 今晚返酒店先浸餐飽過佢啦 .

蓋番個章都仲有時間既 .  ^^

  

攪掂 , 走得 .

再行多一陣 , 又一個 "道の駅" , 隔離有個遊樂場 .

呢個 "道の駅" 叫做 愛ランド湧別 .

好多零食賣 .

  

一齊參觀選購 .

  

不過只係齋睇唔買 , 攪攪震 , 冇幫襯 .  ^_^ !!

  

離開後繼續行 , 去到一個影相位停低 .

呢度應該係一個湖 , 不過結晒冰 , 好荒蕪 .

仲好凍添 .

  

之後好大段路程 , 都係咁既模樣 , 

經過剛才一事 , 車速都唔敢咁太快 .

一有凹位就停低影相 .

不過都冇乜景觀可言 , 只係一片雪地 .

  

仲有部污糟貨車停泊 . haha ...

如果資料冇錯 , 呢度應該係 サロマ湖 .

Bye Bye !