Hello !
呢集係優先處理篇B .
最主要係想介紹乜野叫做 Keyless .
自從決定轉租AQUA後 , 四處搜集該車資料 ,
發現呢款車係採用Keyless系統 , 咁乜野叫做Keyless系統呢 ?
直至到取車前 , 都係戰戰競競 , 心裡面充滿住疑問 ?
依家就黎個詳細介紹 , 等有心租呢款車既Blog友 ,
有定個心理準備 . (唔一定 AQUA先用 Keyless)
首先介紹條所謂車匙 .
係一條冇鎖匙既車匙 , 所以就叫做Keyless . haha ...
首先只要條車匙你手上或袋裡 , 你伸隻手直接拉車門 ,
(無需按任何掣) 個車門都會應聲而開 ,
即使之前Lock左 , 都會自動解鎖 .
P.S. : 就係呢個系統 , 既係優點 , 又係缺點 , 因為每次我鎖完車 ,
必定會試Lock左未 ? 點知一試佢又開番車門 , 攪到我好唔習慣 ,
所以扣咁D分 , 唔同既人可能覺得呢個係優點 , 夠晒方便 .
~~~~~~~~~~~~~~~~~~~~~~~~~~~~~~~~~~~~~~~~~~~
上到車裡面有三種模式 .
第一種 : 隻腳唔踩住個煞掣 , 按 "POWER" ,
呢種模式可以啟用GPS . (不過唔可以開車)
~~~~~~~~~~~~~~~~~~~~~~~~~~~~~~~~~~~~~~~~~~~~
第二種 : 又係隻腳唔踩住煞掣 , 按多一次 "POWER" ,
咁樣就可以使用大部份電器 . (不過都未可以開車住)
~~~~~~~~~~~~~~~~~~~~~~~~~~~~~~~~~~~~~~~~~~~~~
第三種 : 只要踩住個煞掣 , 再按多一次 "POWER" ,
咁部車就自動撻著 , 開車就行得 .
(只要掂一掂就可以放手 , 唔駛長按幾秒果隻)
~~~~~~~~~~~~~~~~~~~~~~~~~~~~~~~~~~~~~~~~~~~~~
當然亦可以一上車就直接用第三種 , 踩住個煞掣按 "POWER" ,
咁就最方便 , 反正初段係用電能 , 唔會太過污染環境 ,
不過詳細D講解各項功能 , 希望大家有較深入既了解 .
~~~~~~~~~~~~~~~~~~~~~~~~~~~~~~~~~~~~~~~~~~~~~~
就係呢個 "POWER" , 見唔見左上角有個黐牆勾 ?
佢建議將條車匙掛上果度 , 不過通常我都係掛在頸度 ,
實唔會唔記得拎落車嘛 .
呢個Model既GPS都係第一次見 , 不過款款都係咁用架啦 ,
所謂 : 萬變都不離其宗 , 就係由 "目的地" 掣開始 .
用第二種模式之後 , 就會出現呢個畫面 .
用第三種模式就可以開車 , P波下面多個 READY字 .
聽晚就有車睇 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
同場加映 , 講埋張ETC咭 , 呢張ETC咭 , 同上兩次一樣款 .
不過今次個讀咭機 , 安裝在呢個位置 . 只要插張咭落去 .
推到盡頭Lock實左之後 .
等佢Load一陣 , 綠燈出現就OK .
Bye Bye !
P.S. : 除了開車門呢個功能我個人唔適應之外 ,
其餘我對Keyless都好滿意 , 唔錯 .
