2016北海道雪駕遊D1-1 香港出發篇

Hello !

頭先聯絡過失物案內所 , 講低相機特徵之後 , 

佢話需時查察及佢要收工 , 所以叫我等消息 , 有消息會通知我喎 .

呢畢暫時擱置住先 , 家陣首先寫好個遊記 , 免得大家苦候多時 .

不過話雖如此 , 話晒剛剛返黎 , 始終都要慢慢攪 , 係長期客戶都知道 , 

呢度既遊記係打持久戰 , 冇野多 , 淨係相多 , 就算每日出一篇都有排寫 .

好啦 ~ 閒話休提 , 即刻就出發 , Let's go ~ 

 2016年2月8日大年初一晚上出發 , 來到機鐵月台候車 .

時間係17:37 , 兩分鐘後有車 .

快喇 ~ 快喇 !  ^^

好有速度感 .

落車之後見到成大棚人聚集 , 攪邊科 ?

嘈到拆天咁 , 一睇就知舞龍舞獅啦 .

Wow  ~ 天上有長龍 , 幾勁喎 . haha ...

睇完 ~ 過去搵番個 Check in 櫃檯 .

黎到以往 Check in 開既 ANA , 今次幫襯 Jetstar , 當然唔係呢度啦 .

咁係邊度呢 ? 原來在隔離果邊既 T2 , 話時話 ~ 真係未去過果邊 , 

原來要兜落下面過去另一邊 . (除非落車果陣向左邊落)

終於過到黎 , 咦 ~ 人頭湧湧喎 , 咁旺場 ?

原來隔離先至係 , 得小貓三幾隻 Check in , 幾好丫 .

GK 064 , 啟航時間 20:45 , 大阪關西 .

以往幫襯ANA , 佢會幫我出埋上札幌既登機証 , 今次佢淨係出往關西果張 , 

呢樣要扣DD分 , 不過就算係咪都要俾件行李佢寄艙 , 所以問題不大 .

仲有大把時間 , 好好咁逛下T2呢邊 , 話晒都第一次幫襯佢 .  XD

呢邊既店舖都唔小架 , 係咁咦影一部份啦 . 打頭陣既係 : 九份手信 .

The Best NEW ZEALAND Shop .

RELAY 經緯書報檔 .

駛唔駛買個新篋 ?

T1在果邊 , 水牌夠晒清楚 .

PLAY N' GO

余仁生 .

玩具店 .

迪迪尼手信 , 買漏可以在呢度補飛 .

好多人幫襯架 .

PACIFIC COFFEE

759 都在呢度插旗 , 勁喎 .

關詠荷 , 請支持奧比斯 .

話說果陣都未食晚餐 , 又唔想太隆重 , 求其幫襯7仔啦 .

叮番個意粉就算 , 仲可以剝杯麵架 .

話咁快就攪掂 , 開餐喇餵 .

食完再行過 , 豐澤 .

譚仔三哥 , 人氣十足呀 .

呢篇講住咁多先 , 機場篇仲有架 .

Bye Bye !

2016北海道雪駕遊 序章篇

Hello !

為期11日既 2016北海道雪駕遊 經已圓滿結局 , 

今次之旅首要任務就係人車無恙 , 呢樣可以達標 .

其餘勁玩 ~ 勁食 ~ 勁買 , 前兩樣亦都做得到 , 最尾既勁買就唔多成功 , 

因為我基本上都無缺 , 淨係前兩樣已經夠皮 .   ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

睇番上幾次旅遊都有D甩轆野 , 今次都唔例外 , 仲係超級甩轆果隻添 .

就係在行程最尾回港果日 , 在 南海難波站 附近 , 唔見左部相機 ,

果陣正在前往機場 , 一個大篋加一兩包野 , 在路邊將部相機放在篋上 , 

轉燈後未有拎番部相就拖篋行 , 到發現時再趕回現場 , 

相機已經不知所終 , 果度人來人往 , 正式係渣都冇得剩 .

唉 ~ 只怪自己唔醒目 , 大意失荊州就係咁解 .  =_= !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

在列車上不停自責 , 心諗 : 有冇攪錯呀 ? 點會連相機都可以唔見架 ?

就算唔見左本護照都可以補領 , 最多留多一兩日唶 .

唔見相機就最杰撻撻架喇 , 呢一種都稱得上 : 旅遊最痛算這種 .   >_< !!

部G10由2009年第一次北海道自由行果陣買到依家 , 

經歷過數次行程 , 可以話係陪我出生入死 , 跌都跌過兩次 , 

性能仲好OK , 今後佢唔知會去左邊度 , 不過希望執到佢果位仁兄 , 

可以繼續咁善用佢黎影靚相 , 咁就於願足矣 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外相機裡面有張記憶咭在內 , 呢樣又係另一種痛心 , 

經檢算後 , 第一張記憶咭Keep住頭6日半既行程 , 在相機裡第二張咭 ,

打後果4日半既心血就付諸流水 , 唯有用番老本行 , 

用文字黎表達啦 , 慶幸既係尾果兩日在大阪 , 冇乜野景點 , 

都係果D 道頓堀 ~ 黑門市場 ~ 通天閣 ~ 天王寺動物園 , 

其餘時間都係留在兩個天然溫泉 , 裡面冇得影相 , 至於遺失 北海道 既包括有 :

摩周湖 ~ 然別湖風水旅館 ~ 跟住係富良野 ~ 美瑛等雪景 , 

仲有往旭岳纜車上山 ~ 旭岳萬世閣旅館 ~ 翌日去旭山動物園 ~

旭川拉麵村 ~ 與及回札幌還車 , 相比之下 , 前果部份精彩好多 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

如果問依家心情 , 事發果陣的確好難受 , 隔左一日平復番唔小 , 

係難過架喇 , 不過唔好難過太耐 , 畢竟呢一年更差既都捱過 , 

就當同部 G10 緣份已盡啦 , 之但係點都要同各位支持者講聲 :

唔好意思 , 令到大家失望而回 !!

正式網誌聽日開始 , 雖然得6日半行程 , 不過都唔好錯過呀 .

Bye Bye !

P.S. : 仲有既係CarCam影片冇失到 , 全部齊晒 , 

呢段係由旭川往札幌既高速公路行程 , 視野欠佳 .

生日快樂2015

Hello !

今日係12月25日 "聖誕節" , 首先祝大家 聖誕快樂 !!

今次係第三次在 Google Blog 呢度攪生日會 , 

簡簡單單咁圍內人食番餐 , 都可以好高興架 .  ^_^ !!

介紹一下有乜野食物啦 , 先黎個主菜炸醬炒麵 .

跟住係泡菜幼薯粉 .

再黎燒雞串 .

壽司更加唔小得 .

三文魚刺身 , 我的最愛 .

仲有帶子刺身 , 凍冰冰 , 好爽口架 .

食到咁上下 , 再黎個雜果沙律 .

最後就係主菜中既主菜 , 生日蛋糕 .

等我黎切第一刀 .

呢件勁大 , 我既 . haha ...

之後果D大家自便 .

年年都講生日願望 , 今年都冇乜野願望咯 .

所謂平淡是福 , 求其有啖清茶淡飯已經係一種福氣 .

出年生日會再見 , 約定你 .  XD

Bye Bye !