Hello !
呢個 "東京5天自由行" , 係全新修訂版本 ,
如果未睇過既 , 可以當新網誌睇 , 若然睇過既話 ,
則可以重溫一番 , 話時話 ~ 我自己都想重溫 .
攪掂晒呢個東京行程之後 , 仲有09北海道 , 10北海道自駕遊 ,
11北海道雪駕遊 , 全部重新執過佢 , 費時睇睇下冇相 ,
所以呢一年時間裡面 , 可以話係不愁寂寞 ,
好 ~ 言歸正傳 , 就由呢個08東京自由行 , 出發開始啦 ~
當日係 2008年3月16日 , 先搭地鐵往 "太子站" 轉 "荃灣線" ,
去到 "荔景" 再轉 "青衣線" , 等車中 ...
途經 "青衣城" , 不過晨咁早 , D舖頭都未開門 ~
兜兜轉轉 , 去到最後一程車 "機鐵" , 機場在望咯 ~
聽講 "機鐵" 全程大約23分鐘 , 中途在 "青衣" 上車既話 ,
除2就係12分鐘車程左右 , 不過有一段入隧道 , 攪到對耳好唔舒服 ,
通車咁耐都克服唔到呢個問題 , 唔知其他鐵路有冇呢個情況發生 ?
話咁快就到 , 執齊野落車 ~
乜都唔駛講 , 即刻 Check in 先 , 好似好多人喎 ~
攪掂仲有時間淨 , 可以四圍參觀 ~ (呢舊係乜東東 ?)
北京2008年奧運會 , 倒數145日 , (2012年倫敦奧運會都煞科 , 可以話時日如飛)
夠鐘入閘過關 , 要搭無人列車去閘口 ~
好多人既呢 ~
上機咯 ~
係咪呢部機呢 ? 唔記得咯 . =_= !!
飛機餐 , 一般OK啦 ~
行左一半多DD ~
到步 ~ 排果條勁隊過關 , 正式係等到心痛 ,
心痛完記得拎番件行李 , 搭 JR 出市區 , 遊客Suica咭票 ,
右手邊果張係 "日本八達通" , 好過癮架 ~
等車中 ~ 呢D車站小店舖 , 好有特式架 .
呢D飲品機 , 可以用果張 Suica 咭 , 冇碎銀都唔駛怕 ~
特急17:18 7號車指定 ~
車到 ~ (冇幕門 , 小心跌落路軌 , haha ...)
部車幾有型喎 ~
仲好穩定添 , 坐得好舒適 ~
下一站 "池袋" , 準備落車 ~
今晚酒店叫做 : "太陽城太子酒店" , 離車站都有一段距離 ,
拖住個篋慢慢搵 , 都幾係野架 , 不過始終都捱到 ,
Check in 上房 , 3034 號房 , 咦 ~ 幾高喎 !
放低件行李休息陣 , 又要出去食飯 ~
Bye Bye !
P.S. : OK攪掂第一篇 , D相唔會刪除 ,
一直存放相簿度 , 咁就唔會見到 "不准駛入" 路牌啦 .
你哩篇係 copy & paste 定係搬 blog 過黎?
回覆刪除其實呢篇係搬Blog既測試篇 , 到依家我都未試到點搬 ?
刪除今次呢篇係Copy網誌落文字File , 之後重新上載相片 , 再Copy番文字落網誌度 ,
基本上同重新再寫一篇冇分別 , 我考慮若然大規模式搬家 , 搬完我都要每一篇執過 ,
不如重新再寫過 , 雖然就 "愚公移山" 左D , 不過就玄門正宗好多 .
一切尚在測試 ...
希望工程。
刪除絕對係艱巨 . >_< !!
刪除小姐, 從新出發 GO GO
回覆刪除試測篇黎架咋 ...
刪除我係你舊BLOG留過,池袋太子以前係刑場,好堅!皮
回覆刪除另外copy and paste,你睇吓幫唔幫到手?
http://koosan.blogspot.hk/2013/10/copy-and-paste-blogger.html
咦 ~ 呢招都有得諗喎 . ^^ THX ~
刪除之前我諗住用正常方式搬家 , 不過見好多Blog友搬完D相爆晒角 , 試試用Photocap整細佢 ,
可能實在太多2萬幾張相 , 攪到電腦經常出現漏斗 , (我係用CheapCheap電腦) 即使分開幾次 ,
佢話有D相係唯獨 , 轉唔到Size , 谷鬼氣索性用自己既留底重新上載 ,
用copy and paste方式 , 一晚可以轉幾篇 , 全部大約600篇 , 我諗200日應該攪掂 .
方法雖然有D戇居 , 不過咪當重溫自己既遊歷 , 剛搬了5篇 , 自我感覺良好 . ^^
另外刑場方面 , 之前睇其他網誌都有人談及過 , 不過又冇乜特別事發生 ,
刪除可能 "死者已矣" , 都投晒胎咯 . haha ...
你個CASE,不如簡單用tumblr方法搬?
刪除http://koosan.blogspot.hk/2013/09/4-ybblogger.html
我見有位姐仔,小t,佢個blog應該同你有得揮,用上面個方法,唔太難,我覺得算成功。
http://tiffanylei.blogspot.hk/2013/09/2013-06-20part-2.html
tiffanylei 個網誌隆重過我呢度好多 , 我都係諗住用愚公移山方式黎解決佢 ,
刪除一黎可以重溫 , 二黎可以執一執佢 , 睇睇以前既文筆成依家有乜唔同 .
嗯, 我覺得最緊要自己舒服. 剛剛行過. 好正呀. . .好似重新睇一次咁 ^0^ 不過, 下面D AV封面 咁搶眼 . . .真系驚行錯路. . .哈哈哈 >:)
回覆刪除咁樣都唔錯架 , 每日攪掂幾篇 , 好快完工 .
刪除至於AV封面 , 希望大家著重美感多於色情 , 因為真係影得好好睇 . ^^