2008/06/23

2008東京5天自由行(修訂版)D2-9完




Hello !


上回講到在 "台場小香港" 度參觀 , 之後四圍行 , 

行到天橋果度見到個 "摩天輪" , 不過當時已經係時昏時份 , 

即使坐到上去 , 都睇唔到D乜 , 所以打消坐 "摩天輪" 呢個念頭 , 

其實呢個 "台場" 範圍 , 實在太大 , 就算俾足一整日時間黎參觀 , 

亦只不過係參觀到皮毛地方 , 更何況我只得半日呢 .  =_= !!

"摩天輪" 最頂應該都幾高 .


隔離係 "富士電視台" , 不過唔上去參觀咯 , 留番第日先啦 .


其實已經 Plan 好去 "大江戶溫泉物語" 度浸溫泉 . 

呢度有免費接駁巴士車埋你去 .


講多兩講 , 部車仲黎埋添 , 16坐Van仔一部 , 屬於循環線 , 

即係唔理有冇人等地 , 佢都會出車兜轉轉 , 唔駛預先約定時間 , 

到時到候就黎 , 仲講咁多 , 上車啦 . haha ...


一個人包晒成部車 , 點坐都得 . (只係幾分鐘路程)


"大江戶溫泉物語" 正門 ! (天色就黎黑齊)


隔離泊住部車 , 呢部成架校巴咁款 , 幾得意喎 .  ^_^ !!   

( 唔知開唔開得郁既呢 ? )


入館料 : 平時大人 2407Yen , P.M.6:00 後 1987Yen , 

果陣正正就係六點後 . (特登都等到佢特價先入場啦)


入場 ! 揀好浴衣之後換好衫 , 出黎四圍參觀 .


場中個個都著浴衣架 , 果日都幾多人 , 場面絕不冷清 .


呢度果然樣樣都充滿住 "江戶" Feel , 正 ! 

隻狗假架 ! 不過加埋D錄音吠聲 , 幾可亂真 , 正式係裝假狗呀 .


聽講有另一個同級數既 "溫泉物語" , 叫做 : "湯巡萬華鄉" , 

同呢度唔知點比呢 ? 我淨係幫襯過呢間 , 未去過果度 .


呢度係 "岩盤湯" ~ "足湯" ~ "砂風呂" 既入口 .


另外收費架 , 仲要預約添 .


使用中請關門 .


足湯介紹 .


岩盤風呂介紹 .


砂風呂介紹 .


呢度就犀利咯 , 雖然要另外俾錢 , 不過唔駛預約 , 就咁行入去就得 .


乜野咁犀利 ? 之唔係 "咬腳魚仔" 囉 , ( 唔好意思 , 搵你地做 Model )

唔知係我唔受得還是真係好痕 , 真係好痕架 , haha ... 

唔記得講埋 1575Yen 15分鐘 , 咬完對腳真係滑左好多 , Yeah !!


俾D魚仔折磨左15分鐘之後 ,  ^_< !!  再繼續四圍參觀 .


其實呢度 (正價) 2407Yen 入場 , 都算幾抵玩 , 除了可以浸溫泉之外 , 

淨係參觀呢D "江戶時代" 式建設 , 都已經值回票價 .


櫻花樹 ~ 唔知係真花定係塑膠既呢 ?


呢度就係 "女湯" 入口 , 裡面影唔到相咯 . 


浸完之後 , 再出番黎睇過 , 都係時候食晚餐 .


韓味材OK嗎 ?


定抑或 "蕎麥麵" ? 


No:35 , 攪掂佢會Call你 , 坐邊度都聽到BB聲 .


一於黎個套餐 , 1680Yen , 唔錯架 .


食完都要同呢度講 Bye Bye , 坐 "海鷗號" 去 "新橋" 站 .


再轉 JR 返 "池袋" .


中途買左盒鮮奶 , 一口氣飲晒佢 . 


攪掂睇陣電視 , 之後梳洗一番就休息 .

Bye Bye !

第二日完 .

2 則留言:

  1. 呢間“大江戶溫泉物語”,聽就聽得多,我未去過。自從識得浸温泉,我都去咗市郊温泉酒店。

    回覆刪除
    回覆
    1. 市郊就玩悠閒 , 呢度就玩熱鬧 , 各取所需啦 . ^_^ !!

      刪除

歡迎光臨 , 如果時間許可 , 請留番個言丫 ~