2011/08/16

2011北海道10天雪地自駕遊(修訂版)D5-1旅館外景雪灘篇




Hello !

第5日 ~ 2011年1月30日 , 星期日 .

上回講到敷完塊面膜之後冇耐就休息 , 

一覺醒來進入第5日行程 , 今日重點行程就係 "網走破冰船" ,

不過都要食埋早餐先 , 而食早餐之前 , 先影窗外風景 . 

下面第一部車就係我果部 .


左手邊有座山仔嚮度 .


過小小 , 日出冇耐 .


日出東方 , 天色唔錯 .


左下角一點點果D乜野黎既呢 ? 一陣先介紹 .


Zoom盡佢 , 個海面結晒冰呀 .


攪掂就落去食早餐 , 早餐在樓下食 .


可以見到部車 .


日式早餐一Set過 , 唔駛煩 . (納豆勁難食)  >_< !!


話咁快食完 , 出去影相咯 .


前面係盡頭 , 冇路可行 , 除非澗冰水 .


尚未完全結晒冰 , 否則可以在上面行 .


太陽再升高多小小 .


雖然好凍 , 不過見到咁靚既 "雪灘" , 人地醒D .


前面舊雪都幾厚 .


頭先一點點果D , 就係佢地 , 好多天鵝 ,

就咁停留在冰上 , 一D都唔怕凍 , 勁呀 !


就係呢間旅館 , 尋晚在佢後面 , 一時間都搵唔到入口 .


攪掂晒Check out手續後 , 搬番D野上車 .


Bye Bye 喇 , 大舊石 .


開車前在呢度又發生 "蝦碌事件" .

話說正想開車果陣 , 見到車頭擋風玻璃果度有D雪嚮度 ,

(其實唔係好多 , 完全冇影響視線) 不過自己衰多手 ,

諗住淋D水落去整走D雪 , 點不知一淋水落去 , 即刻結冰 , 

塊擋風玻璃能見度 , 得番三份之一 , 矇查查咁 , 點行呀 ?

當時個心都有D寒 , 因為預約最早果班 "破冰船" ,

時間唔容許慢慢諗辦法去解決 , 咁點呢 ? 唯有夾硬開車啦 ,

因為我唔想Miss班船 , 死就死啦 , 好彩旅館離碼頭幾分鐘車程 , 

如果呢程係去 "知床" , 真係死俾你睇都似 .

記得當日要打開右邊車窗 , 伸個頭出去視察環境 , 

所以車速極之慢 , 若然後面有車跟住 , 肯定會做成車龍 .

當日心慌慌 , 都冇影低佢 , 如果想睇矇查查既玻璃 , 

下面張相就係 , 同隔離部車比對 , 就知能見度有幾咁低 .

(地點在 "阿寒湖" , 因為洗車 , 所以又衰一鑊 , 呢單濕碎好多)


幾經艱辛 , 終於捱到碼頭 , 好彩冇遲到 .


碼頭就在 "道の駅" 裡面 .


好有可能就係呢隻船 , 外型係咪輸晒俾 "紋別" 果艘船呢 ?


入去咯 .


前面轉右就見到受付 .


團體 ~ 預約 ~ 冇預約 . (我有預約到 , 就排中間)


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~