2011/11/15

2011北海道10天雪地自駕遊(修訂版)D8-10彩凜華篇A




Hello !


上回講到食完晚飯冇耐 , 就去參加 "彩凜華" 盛會 .

落到酒店大堂 , 見到有團 "縱橫遊" 都想去果度 .

上車兜個圈 , 點解搵唔到既 ? 出發前只係 "立" 過眼張地圖 ,

諗住實食冇黐牙 , 點知完全唔覺眼個會場嚮邊度 ?

就係呢一張 , 當時淨係認得 "粗線" 大馬路 .


搵唔到個會場喎 , 咁點呢 ? 冇理由就咁放棄架 , 唯有問人啦 .

停部車在 "便利店" 門口 , 入去問店員 , 諗住佢在呢區做野 , 

冇理由唔知既 , 結果問就問到 , 不過唔係好知佢講乜 ?

又咁啱得咁橋 , 有個女人在收銀機度俾緊錢 ,

佢以 "普通話" 話佢都係去果度 , 可以指俾我知邊個方向 , 

我話係自駕喎 , 佢就仲正 , 於是齊齊上車去果度 , 

就係咁 , 佢係我史上首位乘客 .

正所謂一家便宜兩家著 , 冇佢帶路 , 相信我都搵唔到果度 , 

雖然果度短短路程 , 不過行路去既話都幾係野 , 

黑媽媽 , 條街凍到人都癲 .

結果同佢傾一陣就都 . 

(話時話 , 我D "普通話" 都好水皮 , 好彩佢都聽得明)  ^^

到達呢個 "彩凜華" 會場 , 佢走先 , 我擺好部車都入去參觀 , 

由於呢度實在太正 , 所以要分兩篇寫 , 今次睇住第一篇先啦 .

彩凜華會場 , 入去咯 .


入去第一個見到既 , 就係 "休憩所" ,

都要架 , 有時凍到癲 , 入去過暖河都唔錯 .


"彩凜箱" , 如果您覺得感動的話 , 請將賽錢(贊助金)投入箱裡 .


活動內容指南 .


再黎多個 "彩凜箱" , 多多益善 , 小小唔拘 .


呢個係救命 "手湯" , 浸對手落去 , 舒服晒 .


展望台 , 上呢度可以 "居高臨下" 睇三角燈 .


ICE PROMENADE ENTRANCE  入口


條隧道多人影相 , 影住一張先 , 一陣再影過 .


體驗冰凍肥皂泡 .


仲有冰之滑梯 , 我就唔敢試 .


上到個展望台望落黎 , 就係呢D三角燈 , 

隨住音樂而變色 , 好難捉摸 . 


時光時暗 .


時彩時白 .


有時 "鬼影幢幢" 添 . haha ...


遠處果個係個鐘黎 , 不過影得唔清楚 .


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~