Hello !
上回講到好彩部相機冇事 , 呢篇繼續 .
上車即刻往民宿 , 叫做 : Pension Porch ペンション ポーチ,
Check in 後拎整野上房 , 休息一陣就落去食晚餐 ,
襯呢段時間介紹房間 , 一齊參觀啦 , 呢間係6號房 .
呢度都幾特別 , 全屋以木製成 .
兩張床 , 我揀左邊果張 .
間房冇電視機 & 洗手間 , 要出大廳度睇電視 .
冇洗手間既情況 , 上次在 "光林莊" 領教過 ,
不過連電視都冇 , 今次都係首次試 , 感覺都幾悶 .
房間在二樓 , 側邊有個逃生門 , 有冇樓梯架 ?
四個角落影齊晒 .
輪到天花板 .
屋頂係三角型 , 天花板自然係向斜上 .
依然係大霧到得人驚 .
Youtube 短片度睇 , 好天時可以望到海景 , 依家就 ...
咦 , 裝修緊喎 , 唔通想開分店 ?
大約P.M.7:00 落去食飯 ,
果餐可能太肚餓兼俾部相機攪到我驚魂未定 ,
居然唔記得影相 , 記憶中呢一餐係唔錯既西餐 ,
只有飽過頭 , 點都唔會唔夠食 , 仲記得有叫啤酒 .
同埋間民宿可能得我一個客 , 所以食飯時同老闆一齊 ,
大家都唔想你眼望我眼 , 所以乜鬼都講得一餐 ,
只可惜我既日文 , 連有限公司都講唔上 ,
結果要搭埋英文加漢字(用手寫)先至可以溝通得到 ,
我教左佢講佢個名既 "廣東話" 發音 . (相信佢轉頭都唔記得)
而佢教我霧既 "日文" 發音 , 如果心水清 ,
搵番 "霧多布岬" 個招牌 , 開頭果兩個字 , 就係 きり ,
(呢兩個字攪到我今次行程雞毛鴨血 , 呢世都記得佢)
食完飯之後 , 再睇幻燈片 , 講解冇霧既情況 , 呢度會係點 .
睇完之後返房 , 係咁咦梳洗一番就休息 .
順帶一提 , 好彩下午果陣浸左溫泉 , 呢度得個浴缸Size既水池 ,
邊度會有心機浸丫 , 真係多謝夾盛惠 . haha ...
Bye Bye !
第五日完 .
~~~~~~~~~~~~~~~~~~~~~~~~~~~~~~~~~~~~~~~~~~~~
同場加映 .
第六日 A.M.7:30 食早餐 , 呢度係受付櫃檯 .
大廳另一角落 .
飲杯水先 .
樓底幾高喎 , 仲有小小天然光 .
老闆話6月尾 - 7月頭比較適合 ,
而每年4月尾開始 , 外面就好似而家咁 , 話晒都係濕原 .
呢個大廳 , 十零個人一齊食都夠位 .
今次得我一個人慢慢食 , 唔好客氣 , 起筷啦 .
早餐後 , 咖啡一杯 , 飲完咯 . ^^
水吧 , 裡面係廚房 .
下面有D書 , 可能係呢度既畫冊 ?
房租 8400 + 啤酒 500
另外 5% 消費稅 = 9345Yen
一陣第一個景點就係去番 "霧多布濕原中心" 度報仇 .
再一次 Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~