2013/06/09

2013北海道&青森12天自駕遊(修訂版)D7-11酸ヶ湯溫泉旅館晚餐篇




Hello !


上回講到參觀完 "地獄沼" , 呢篇繼續 .

攪掂就往旅館 Check in , 泊好部車在門前停車場 , 

入去果陣剛剛好 P.M.6:00 (今日唔駛遲到)  ^_^ !!

講開今次呢間旅館 , 其實附近旅館多的是 , 何以偏偏揀佢呢 ? 

答案好簡單 , 理由只得一個 , 因為呢度個朵夠行囉 , 

百年老店喎 , 一磚一瓦都係歷史見証 , 家陣潮流興保育 , 

等我都黎見識下 , 睇下佢有幾殘 . haha ...

閒話講完 , 拎埋行李入去 Check in , 果位疑似經理既職員 , 

好努力咁用英文同我介紹旅館所有設施 , 雖然講得麻麻地 ,

不過淨係呢份誠意都夠晒可嘉 , 讚呀 !

由於果度晚飯時間比較早 , 所以到房間後好快就要出去食晚飯 .

(而呢度實在太多野影 , 因此邊行邊影 , 相片排名有分先後) 

經過走廊順便影幾張 , 呢張好似係溫泉規矩 .


若返り10則 . (回復青春 , 好喎)  XD


如果冇估錯 , 呢間應該係按摩店 .


價目表 .


預約請往櫃檯 .


理念 .


Wow , 獲獎無數 , 勁 !


青森市文化觀光交流施設 .


男湯 . (另一邊大浴場係混浴 , 呢間則男性Only)


混浴果邊就係咁 ? 好激唶 , 我就頂唔順喇 . (拍AV咩)


大堂既一角 , 有電視睇 , フロント就在後面遠處 .


 "鍾馗" , 食鬼果位 ? "日本" 都興呢家野既咩 ?


混浴場入口 . (依家未浸住 , 參觀佢門口先)


Locker一排 , 擺放貴重物品 .


朝八時 ~ 九時 , 夜八時 ~ 九時 . (Lady night , 男性免問)


雖然係混浴 , 都要分男女方入口 , 男左 .


女自然係右啦 .


浸還浸 , 唔好互相昅野 . haha ...


齋女湯就在混浴隔離 .


暫時影住咁多 , 上二樓食飯 , 

一坐落已經準備好大部份 , 只係爭個白飯未到 , 

咁高興 , 梗係要啤一啤啦 .  ^^


逐樣黎介紹 , 第一味 : 吉列豬扒 ?


柴皮魚 .


乜野瓜呢 ?


唔知乜野黎 ?


蝦刺身 .


疑似蟹肉 ?


牛丸粉絲煲 .


雖然未爆滿 , 不過都幾有人氣 , 可惜清一色都係上年紀既長者 .


今次呢餐飯 , 發生左兩件插曲 , 

第一單係斜對面有位老人家 , 佢叫左碟 "天婦羅" 及一支日本清酒 .

(天婦羅炸得好正 , 可惜唔在我餐單之內 , 可惜)


開餐期間見到佢部單反機 , 於是忍唔住讚歎一句 いいカメラですね . 

就係呢句辣著佢 , 佢俾我睇佢既作品 , 仲滔滔不絕咁講解 .

(影得好鬼靚 , 我部G10絕對影唔到呢D靚相)

唉 ~ 我都好想可以同佢高談闊論 , 可惜我D日文不濟 ,

連一成都未必聽得明 , 唯有全場陪笑啦 , 唯一聽得明既 ,

就係佢問我之後既行程 , 但係我又唔知點答佢 ?

遇到呢D情況 , 通常都以紙筆代答 , 不過今次黎食飯冇帶 ,

於是問伙記借支筆寫在筷子套上面 , 打後既行程係 : 

八戶 ~ 下北半島 ~ 大湊 ~ 青森 ~ 函館 ~ 札幌 ~ 香港 ...

好彩佢都睇得明 , 唔識日文真係累事 , 無奈 !

~~~~~~~~~~~~~~~~~~~~~~~~~~~~~~~~~~~~~~~~~~

佢仲請我飲杯日本清酒 , 真係客氣 , 多謝晒 !

不過我始終都係鍾情於啤酒 , 他日食魚生壽司 , 

都會以啤酒黎送 , 唔會考慮轉飲日本清酒 .


第二單插曲係拎白飯時 , 果位侍應將碗飯倒瀉左 .

即係D白飯離開左個碗跌落檯度 , 佢執都執唔切 , 

仲連番道歉話 : 申し訳ありません , 講左好多次 , 

攪到我鬼咁唔好意思 , 其實好小事唶 , 換過碗咪OK囉 . 

係咁咦講聲唔好意思就得架喇 .  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

雖然中午都有食野 , 不過好肚餓 , 乜都同佢清晒 . 


另外有冇人知道呢D係乜野黎 ? 要黎做乜 ?

食落肚又好似怪怪地 , 經常出現在柴皮魚附近 .


呢D又係 , 乜野菜黎既呢 ?


食完飯 , D人都走得七七八八 .


仲有幾位食緊 .


遠處張海報寫住呢度係標高925m既千人風呂 . 

Wow , 真係 "賓墟" 咁既場面 , 實在太壯觀 . XD


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~