2014/11/18

2014北海道11天自駕遊D10-12 道の駅 夕張メロード篇




Hello !


上回講到參觀完 桂沢湖 , 今日既行程都接近尾聲咯 .

(呢度唔同早兩日咁草木皆兵 , 景點多到去唔晒咁滯) 

而跟住呢段車程印象頗為深刻 , 因為當時確實係有小小失控 , 

失控既並唔係部車 , 而係個人 .  =_= !!

話說當日正在行駛中 , 突然有部車從後高速爬頭 , 心諗 : 

Wow ~ 咁堅 ? 又睇你有幾多料 , 於是乎踩油跟住上 , 很可惜 ~ 

對方絕非善類 , 好快就俾佢拋甩 , 再行多一陣 , 又見番佢 , 點解呢 ?

原來佢前面有部車頂住 , 唔知係唔肯讓路定抑或係不准爬頭 ?

既然係咁就唔客氣喇 , 一於繼續跟住佢 , 三部車一齊行 . 

(咁又唔係啄住尾 , 都有三五七個車位距離)

其實最前車都唔係慢 , 不過中間果部實在太辣 , 如果淨係得佢 , 

我肯定跟唔上 , 依家要跟住佢地 , 都要谷盡我畢身功力 , 

果一刻完全將捉快車拋諸腦後 , 淨係想避免俾佢地拋甩 , 

相信佢地必定係 "地元の人" , 否則既話邊可能勁得咁交關 . haha ...

最後玩到我差唔多到訂就 Bye Bye ! 繼續自己既行程 .

地點就係 : 夕張シューパロダム

其實我都唔太確定呢度係唔係 , 因為同預想有出入 , 

呢度似足地盤一個 , 不過有好野睇 , 唔係都當佢係 .  XD


夕張シューパロダム (當佢係啦)


又係攔住D水既大壩 , 不過今次有D唔同 .


睇左湖景呢邊先啦 , 今次右至左 .


過小小 , 有浮波既 ? 漁塘咩 .  ^^


湖景係得咁多 .


前面果度有工人做緊野 , 可能呢度仲係興建中 .


風速表 . (當日都唔算大風)


呢度同一般 ダム 既分別 , 就係有排洪表演 .


Zoom近小小睇 .


Zoom近多多睇 , 萬馬奔騰 , 勁呀 .


攪掂上車即走 , 向住 夕張 方向行 , 經過呢間類似蜜瓜既舖頭 .


其實係一間紀念品店 , 好多手信賣架 , 果陣過左小小鐘 , Close左咯 .

不過佢見有人在門口裝裝下 , 出番黎開門 .


咁就唔客氣 , 幫襯番些小 .  ^_^ !!


跟住就到呢個 道の駅 .


道の駅 夕張メロード


門口有間串燒BBQ .


道の駅裡面似超市多D .


究竟係觀光中心還是收銀處 ?


影埋張蜜瓜超人就走得 .


Bye Bye !

6 則留言:

  1. 道の駅 夕張メロード覺得揾笨多啲,我去嗰時連揾隻蜜瓜睇o下都冇。

    回覆刪除
    回覆
    1. 我去果陣都唔覺眼有蜜瓜喎 , 諗住未到當造季節咋 .
      好彩我並非蜜瓜愛好者 , 否則一定失望而回 . =_= !!
      其實乜野月份先至係當造 ??

      刪除
    2. 7月當造,夕張附近有間酒店當造期,晚餐會有哈蜜瓜任食

      刪除
    3. Fung Mandy : 哦 ~ 原來係七月 , 不過都好難在果段期間出門 . =_= !!

      刪除
    4. me 2, 我同你個期差唔多, 通常5月同10月左右 :(

      刪除
    5. 我係得4-5-6月比較容易有擋期 , 其他日子要火拼式爭取 ,
      如非必要過必要 , 否則都唔想打人情牌 . (正式係打工仔悲歌) >_< !!

      刪除

歡迎光臨 , 如果時間許可 , 請留番個言丫 ~