2014北海道11天自駕遊D10-5 秘湯 吹上溫泉篇

(以下網誌涉及裸露鏡頭 , 敬請家長留意)

Hello !

上回講到參觀完 十勝岳望岳台 , 跟住往下一個景點 .

就係 秘湯 吹上溫泉 , 又係冇幾遠咋 , 約莫十分鐘車程就到 .

呢度就係喇 , 見到一塊大招牌 .

話明係秘湯 , 梗係唔會在路邊咁揚 , 擺低部車行入去啦 .

免責條款 . (一切後果自負)

入去咯 , 充滿尋幽探秘 Feel .  ^_^ !!

行左冇耐 , 見到部份秘湯 .

好一個秘湯 , 依山而建 , 果然夠神秘 .

途中見到一條瀑布 .

水聲潺潺 , 唔錯 .

流水經過左上角既秘湯 , 邊浸邊欣賞美景 , 加分呀 .

過埋條橋轉右就到 .

簡介招牌一塊 .

吹上溫泉の湯の由來 , 與及利用の心得 .

正想落去探過究竟 , 點知發現原來有人使用中 .

起初以為呢度咁隱閉 , 都唔會有人黎浸 , 即使有 ~

都會好似屈斜路湖 既 古丹溫泉 咁 , 個個著晒泳衣泳褲咁黎浸 .

豈料呢位仁兄赤條條咁浸 , 這樣一來 , 落唔落去好呢 ?

Zoom近D睇過 , 啋 ~ 小鳥出來了 , 咁既場面 , 都係唔落去咯 .

唔落去咁點呢 ? 唯有參觀下條瀑布啦 .  XD

離遠咁影個秘湯 , 叫做有所交代 .

唔能夠落去盡情影相 , 始終心有不甘 .

但係又唔知佢浸到幾時 , 冇理由白等落去 .

冇辦法之下 , 上番停車場 , 準備離開 .

Bye Bye !