2014/11/09

2014北海道11天自駕遊D10-5 秘湯 吹上溫泉篇


(以下網誌涉及裸露鏡頭 , 敬請家長留意)

Hello !


上回講到參觀完 十勝岳望岳台 , 跟住往下一個景點 .

就係 秘湯 吹上溫泉 , 又係冇幾遠咋 , 約莫十分鐘車程就到 .

呢度就係喇 , 見到一塊大招牌 .


話明係秘湯 , 梗係唔會在路邊咁揚 , 擺低部車行入去啦 .


免責條款 . (一切後果自負)


入去咯 , 充滿尋幽探秘 Feel .  ^_^ !!


行左冇耐 , 見到部份秘湯 .


好一個秘湯 , 依山而建 , 果然夠神秘 .


途中見到一條瀑布 .


水聲潺潺 , 唔錯 .


流水經過左上角既秘湯 , 邊浸邊欣賞美景 , 加分呀 .


過埋條橋轉右就到 .


簡介招牌一塊 .


吹上溫泉の湯の由來 , 與及利用の心得 .


正想落去探過究竟 , 點知發現原來有人使用中 .


起初以為呢度咁隱閉 , 都唔會有人黎浸 , 即使有 ~

都會好似屈斜路湖 既 古丹溫泉 咁 , 個個著晒泳衣泳褲咁黎浸 .

豈料呢位仁兄赤條條咁浸 , 這樣一來 , 落唔落去好呢 ?


Zoom近D睇過 , 啋 ~ 小鳥出來了 , 咁既場面 , 都係唔落去咯 .


唔落去咁點呢 ? 唯有參觀下條瀑布啦 .  XD


離遠咁影個秘湯 , 叫做有所交代 .


唔能夠落去盡情影相 , 始終心有不甘 .


但係又唔知佢浸到幾時 , 冇理由白等落去 .


冇辦法之下 , 上番停車場 , 準備離開 .


Bye Bye !

36 則留言:

  1. 嘩!有好野仲乜遮住佢,留番俾自己慢慢欣賞?公諸同好嘛,等我地有得評頭品足o下嘛 :))

    回覆刪除
    回覆
    1. haha ... 唔駛喇掛 , 呢度雖然比較開放 ,
      不過都費時攪D四級野 , 或者有小朋友上黎嘛 . XD

      刪除
    2. 嘻嘻, 巨鵰就唔好, 小鳥無問題啊 ^^

      刪除
    3. t : 小鳥都唔係幾好既 . XD

      刪除
  2. 吚? 你竟然無俾嗰位仁兄發現?

    回覆刪除
    回覆
    1. 果張相係Zoom到近一近 , 實際都仲有相當距離 ,
      咁既環境 , 邊敢行得咁近 . ^^

      刪除
    2. 嗰位置咁啱俾條木遮住佢個樣,佢似曬太陽多個浸湯

      刪除
    3. 就係咁至激氣 , 曬太陽邊度都得啦 , 阻住晒我取景 , 又唔係浸溫泉喎 . >_< !!

      刪除
    4. 浸完曬番乾個身嘛 :)) 唔通赤條條咁行好遠曬咩 :D

      刪除
    5. Nerissa : 總之有佢在場 , 都好難埋去影相 . =_= !!

      刪除
    6. 通常嚟依D秘湯浸係咪照計應該會帶備毛巾呢? 可能佢咁啱响附近突然興起先去浸,又可能佢浸到好熱,坐起身抖抖先都唔定

      刪除
    7. 3J 家庭 : 睇張相見佢隔離有毛巾放響度 , 應該係有備而來 ,
      可能麻甩佬唔介意全裸 , 亦估唔到有人黎參觀啦 . XD

      刪除
    8. 見到係有條毛巾,咁似抖涼多D
      我聽老公話過D日本男人都幾開放,試過去浸混浴,D日本男人求其將條毛巾仔遮住個重要部位就落水,成個pat pat睇到哂,落咗水後就攞番起條毛巾放上頭
      佢真係估唔到荒山野嶺竟然有位姑娘會出現,仲俾人睇全相添....哈哈

      刪除
    9. 都正常既 , 日式溫泉本來就係坦蕩蕩架啦 .
      至於姑娘咯喎 , 呢度又冇分男女湯 , 應該係混浴掛 ?
      不過有男人響度裸浸 , 相信都好難有女仔肯落去一齊溫 ,
      好似我咁齋影相就OK . haha ...

      刪除
  3. 回覆
    1. 落到下面 , 容乜易連渣都冇得剩 , 所謂荒山野嶺 , 為所欲為 . haha ...

      刪除
    2. 你一個人又係驚d,我有兩個人一定走落去,哈哈。
      係屈斜路湖,我地都有浸露天溫泉:-D

      刪除
    3. 一定落去 ? 落去影相還是浸埋一份 ?
      屈斜路湖實在太過熱門 , 果次去到爆滿咁滯 ,
      個個著晒泳衣泳褲 , 好熱鬧既呢 . ^_^ !!

      刪除
    4. 落去行下啫,唔會影相XD
      我去果個叫做有分開男一邊女一邊,係唔著衫架

      刪除
    5. 男女分開都好D . 有冇去過 不老不死黃金泉 ?

      刪除
    6. 一石之隔好過冇啦。
      不老不死,想去,睇下明年去唔去到。

      刪除
    7. 白神山地果頭又係好正架 , 應該會啱你 , 有時間應該要去番趟 . ^^

      刪除
    8. 不老不死我有去過,不過無去混浴嗰邊 (老公去咗),當時有好多人等睇日落,混浴嗰邊超多男人,女人多數去哂女湯嗰邊

      刪除
    9. 3J 家庭 : 不老不死我只係去過門前 , 到我想訂房時D單人Plan全部冇晒 , 可惜 . >_< !!

      刪除
  4. 哦。。。。。。。。。。無言。

    回覆刪除
    回覆
    1. 無言 ? 點解咁 , 莫非俾佢嚇親 . haha ...

      刪除
    2. 俾你嚇親,夠胆偷影,又夠胆post出來。

      刪除
    3. 偷影方面 , 其實係隔得頗遠 , 唔怕既 . ^^
      至於Post出黎 , 都唔怕啦 , 既睇唔到個樣 , 又打晒格仔 , 理應冇問題掛 . XD

      刪除
    4. 嘻嘻, 我都鍾意偷影 ^^

      刪除
    5. 最緊要偷得高明 . haha ...

      刪除
  5. 呢類野湯我 like 呀 ! 如果冬天去浸個雪景一定好靚 ~

    回覆刪除
    回覆
    1. 野湯都OK ? 著泳衣定包毛巾先 ? 我就唔制喇 , 足湯還可以 . ^_^ !!

      刪除
    2. 我喜歡野湯夠開揚,但當然要包毛巾啦 !

      刪除
    3. 斷估你都唔會一個人去 , 人多勢眾點都好D , 一個人就費時啦 , 靚景都係咁話 . XD

      刪除
  6. 回覆
    1. 論美感 , 梗係下面果D好睇D啦 , 仲係好睇好多添 . haha ...

      刪除

歡迎光臨 , 如果時間許可 , 請留番個言丫 ~