2014/11/27

2014北海道11天自駕遊D11-5 還車篇




Hello !


上回講到參觀完 千歲三文魚館 , 黎到呢度 , 

已經拖無可拖 , 玩埋今 ~ 明兩晚就正式結束整個行程 , 

不過臨尾都要整兩單驚嚇野過我歎 , 正式係臨天光先黎瀨 ...

好彩只屬輕微性質 , 只要淡定就有錢剩 .  ^_^ !!

話說攪掂晒 三文魚館 時 , 時間剩番好小 , 可能係行錯路果度影響啦 .

仲有入滿油呢Part未攪 , 於是乎搵個最就手既油站黎攪埋佢 .

去到果個油站 , 係就係有職員 , 不過駛入去都冇乜反應 , 

平時果D仆倒咁黎招呼架嘛 , Why ? 原來呢個係自助入油站 , 

本來慢慢摸索既話 , 或者都可以攪掂 , 只不過呢刻時間唔容許咁做 . 

於是乎叫佢過黎 , 再扮到一面茫然咁既表情 , 佢都忍唔住幫拖 , 

每一個流程都講解 , 我都冇郁過手 (除左入錢之外) , 基本上都係佢一手包辦 ,

不枉我次次入油都幫襯 ENEOS 油站 , 大恩不言謝 , 第日飲茶我既 .

( 仲有 ~ 自助入油果度寫住 セルフ , 記住咯喎 !! )

攪掂第一個驚嚇 , 輪到下一個 , 就係一進入機場範圍 , 車裡面突然發出

D0 ~ Do ~ Do 聲響 , 心諗 : 攪咩野呀 ? 唔通唔記得關上油蓋 ?

又唔係丫 , 唯有唔理佢繼續行 , 不過心理上有所影響 , 

部車楂到衰衰咁 , 可能騎住中間線黎行 , 好彩當時附近冇乜車 , 

直到依家 ~ 我都唔知點解部車會發出呢D聲響 ? 

另外機場地方都頗大 , 分叉路又多 , D路牌經常出現IC標誌 , 

一個唔覺意入錯線 , 恐怕未必有上次咁好彩 , 都幾得人驚架 .  =_= !!

好彩 ~ 經過重重波折之後 , 終於都 Toyota 在望 .


新千歳空港すずらん店 , 前面轉右丫 , 唔該 .


轉埋個灣 , 就泊在小巴前面啦 .


今次還車比較仔細 , 個職員繞場一周黎檢查 , 

平時租 Axio , 還車時佢望都唔望多眼 .


幸好僅僅趕及在限期時間前還車 , 真係一額汗 . 

雖然過DD鐘未必駛補錢 , 不過做臭個朵就唔係幾好啦 , 

仲有機會再幫襯嘛 .  ^^


等佢計埋 ETC 數 , 找妥晒之後 , 拎齊所有收據 . 

佢俾張A4過膠紙我 , 上接駁車時交俾司機 , 佢就識得做野 .


上接駁車 , 行李放前面 .


比想像中長既車程 , 到達機場大堂 .


Bye Bye 喇 , 接駁巴士 .  ^^


入去咯 .


在機場還車轉黎呢度 , 都係第一次 , 平時多數搭JR或機場巴士 .


落成田 , 當然係國內線啦 .


新千歲機場 , 唔駛多介紹 , 大家熟過我啦 .


係咁咦影幾張當交差 .


最後一擊 , 有買襯手 .


木雕手工藝品都有 , 真係旅遊景點都唔駛去 .


邊行邊搵國內線 , 順便買個便當 .


Check in & 行李寄艙可以省略 , 一黎就到候機室 .


ANA 係佢喇 .


襯仲有時間 , 拎定個便當出黎 .


等唔切上機時食 , 依家就要解決佢 .


呢位姐姐有D面善 , 有D似當年號稱最強外勞果位 Leah Dizon


磨多兩磨 , 夠鐘上機 .


唔駛搭接駁巴士 , 就咁入閘 , 好丫 .


一齊上 .


今次坐機頭部份 , 訓一陣先 ...


聽晚攪掂埋個最後一擊大結局 .

Bye Bye !

14 則留言:

  1. 回覆
    1. 都要咯 ~ 頭尾加埋幾近6個月 . ^_^ !!

      刪除
    2. 又可以開始plan下次自駕遊XD

      刪除
    3. 最快都要明年中 , 真係有排 Plan . >_< !!

      刪除
    4. 架車有 do do 聲, 係咪未鬆腳掣

      刪除
    5. t : 係喎 , 好有可能係咁 . t先生果然係大行家 .
      呢味腳踏式手掣 , 始終都唔係好在行 , 好彩只係短程唶 . =_= !!

      刪除
    6. 嘻嘻, do do 聲咁你行左幾遠呀?

      刪除
    7. 我諗大約10分鐘左右 .

      刪除
    8. 好野,終於有人解答咗你既疑團啦

      刪除
    9. Fung Mandy : 係呀 , t先生佢好犀利架 , 乜都識咁滯 . 勁 !!

      刪除
    10. 10分鐘, 都好遠, 好彩係你交車最後果程

      刪除
    11. 可能係還車趕時間 , 竟然咁都留意唔到 , 失敗 . >_< !!

      刪除
  2. 你好!!想請教下係Toyota 專門店租車好,定係Tocoo租車好

    回覆刪除
    回覆
    1. Hello ~ 實不相瞞 , 我都未試過幫襯 Tocoo , 只係幫襯過 Toyota ,
      不過我個人比較鍾意 Toyota , 次次幫襯都冇乜甩漏 , 淨係感情分都夠殺 . ^^
      另外聽Blog友 コーさん 講 , 話 Tocoo 既價錢越黎越貴 ,
      唔會平得過 Toyota 幾多 , 所以即使再去北海道 , 我都會繼續幫襯 Toyota .

      刪除

歡迎光臨 , 如果時間許可 , 請留番個言丫 ~