2016/05/20

2016北海道雪駕遊D5-14 フレペの滝篇B (第三單蝦碌事件)




Hello !


上回講到參觀緊 フレペの滝 , 正要上展望台 ...

呢個牌應該係話除左對大腳板先至好上樓梯 .

(中文翻譯得怪怪地)  XD


危險 ~ 因住大風吹落懸崖 . haha ...


上到展望台 , 高左小小 , 睇多小小 .


D鹿咁斜都平行得到 , 果然神乎奇技 , 勁 !


天唔夠藍 , 草唔夠綠 , 係差左DD架喇 .


不過叫做有D雪景 , 勉強合格啦 .  ^^


燈塔與展望台呢度係個峽位 .


D水由呢度流落去 . (依家結左冰)


經呢度出大海 .


下面未完全結晒冰 , D水好清澈 .


綠綠地色咁 .


中間D雪都唔同顏色 .


白中帶藍 .


幾特別咁喎 .


時近黃昏 , 遲D會有黃昏天色睇 .


認住佢囉喎 , 呢度叫做 : フレペの滝


影埋呢張燈塔都差唔多夠皮 .


輪到再一次影鹿 .


始終都係好驚人 , 行近D即走 .


唯有隔遠D影啦 .


欏柚有白印 , 係跑得定唔跑得 ? 


OK ~ 影埋呢張就走得 .


依家可以講第三單蝦碌事件 , 就係由呢度開始 ...

話說當日正想由原路返回旅遊中心 , 點知搵唔番條路 , 

見到有個路牌寫住 駐車場 , 就跟住佢黎行 , 越行越唔對勁 .


還記得當日 , 一路行就一路心驚驚 , 點解呢 ? 

因為在行程初期 , 在酒店上網 , 見到一單新聞與港人有關 .

果陣睇完單新聞仲話 : 點會咁架 ? 原路黎 ~ 原路返 , 咁都得 ??

點知類似既事竟然發生在自己身上 .   >_< !!


在平路度行就冇乜野 , 最多係得個凍字 .


不過入到樹林就唔同喇 .


樹林裡面D雪勁深 , 步步都深到落膝頭位 , 

好似在浮沙池度行咁 , 前路又未明 ? 又舉步為艱 , 最重要係當時接近四點鐘 , 

大有天黑之勢 , 若然搵唔到路既話 , 在荒山野嶺捱一晚 , 肯定係咁先 , 

(人在野都有把刀 , 我乜都冇 , 想鑽木取火都唔得) haha ...


雖然前路難行 , 不過都硬住頭皮頂硬上 , 好彩過多一陣見到曙光 , 

就係見到條馬路 , 只要沿住馬路行 , 好快就去番旅遊中心 . 

呢個就係馬路位 , 頭先就係由呢個位出黎 . (感唔感受到D雪有幾深) ?


依家大暑天時 , 就算係我呢個當事人 , 都寫唔番果陣既恐懼 .


沿住呢度行 , 轉個左就到旅遊中心 .


果度P.M.4:00收工 , 遲左5分鐘左右 , 真係唔好意思 .


拿拿淋上番去 .


呢D就係大腳板 .


我租左呢類水鞋 , 頂唔順D深雪 , 失敗 !


好 ~ 還左對鞋一身輕 , 四圍影下相 .


知床案內地圖 .


快D上車啦 , 仲要趕下場架 .


Bye Bye !



8 則留言:

  1. 冰天雪地搵唔到路都幾大劑-_-#

    回覆刪除
    回覆
    1. 大話夾好彩森林既盡頭係馬路一條 , 可以用黎做定位 .
      若然係一大片無盡既森林 , 咁就難攪喇 . >_< !!

      刪除
    2. 上次秋遊跟指示牌行,我地都係入到呢個死位,同你一樣,見到條馬路先安心D

      刪除
    3. 唔通你又係中左 駐車場路牌 果招 ? 不過你係秋季都冇咁驚 , 冰天雪地就得人驚D . XD

      刪除
  2. 跟住雪上腳印行應該唔會蕩失路!?

    回覆刪除
    回覆
    1. 果陣邊度有咁冷靜丫 . =_= !!
      如果夠冷靜 , 仲有一個方法 , 就係掉頭走 , 去番展望台果度再黎過 . XD

      刪除
  3. 呢條鼻涕就好睇, 仲有藍色, 好有 iceberg feel.
    水鞋乜野牌子? 唔係 hunter 就襯唔起小姐嘅高貴 ^^ 不過老實說你租對大腳八都有問題, 因為你只係著住波鞋.
    上次我係野付半島個車場用 google 打左粒星至行探線步道, 白茫茫真係處處一樣, 一定帶個 gps 電話至好

    回覆刪除
    回覆
    1. 係呀 ~ 藍藍地色 , 唔知點解會咁呢 ? 唔通D水夠清澈 , 所以結冰都變成藍色 ?
      至於水鞋係乜野牌子 ? 真係不得而知 , 不過要得黎租俾人 , 都唔駛慌用名牌 . XD
      我對腳咪又係腳一對 , 冇話高唔高貴既 . (你估我係仟億新抱咩) . haha ...
      租大腳八點會有問題呢 ? 對波鞋都掂唔到D雪 , 點都好過水鞋 , 淺雪冇所謂 , 深雪就頂唔順 .
      最後 ~ GPS電話會否太偏遠收唔到呢 ? 不過用原始方法 , 四處刻記號 . =_= !!

      刪除

歡迎光臨 , 如果時間許可 , 請留番個言丫 ~