2016/05/11

2016北海道雪駕遊D5-8 北方領土館篇




Hello !


上回講到參觀完 別海北方展望塔 ...

正向住下一站進發 , 途中見到D舊景點 , 所以順手兜一兜入去 .

首先見到既係  いい湯の宿 野付湯元 うたせ屋 .


呢間旅館上次已經想幫襯 , 不過唔知點解冇幫襯到 ?


所以再黎多次 , 經過當留念 .  ^^


隔離仲有間 楠旅館 .


轉個灣就見到個漁市場 .


之後有D乜野呢 ?


就係觀光船既售票處 . (果日天氣咁差 , 就算有開都唔會幫襯)


呢間叫 海紋既舖頭 , 大有來頭呀 , 全名係 : 

野付漁業協同組合直売店海紋 , 好多海產賣架 , 不過我都冇入去 .


再行多一陣 , 去到 野付半島 入口 .


由呢度直行 , 飛車20分鐘左右就會到達 .

不過今次唔去咯 , 只係影張相就算 , 一陣U返出去 .


好快就到下一個景點 .


隔離有間拉麵店 .


不過呢篇佢先係主角 , 北方領土館 .


話時話 ~ 入去時有段小插曲 , 就係一入去裡面 , 點解凍冰冰 ?

原來佢見冇乜人黎 , 所以冇開暖氣 , 一見我入黎 , 即刻話開暖氣 , 

我話唔駛啦 , 係咁咦影兩張就走架喇 , 點知佢都堅持要開 , 

(果D大型暖氣機 , 由撻著到好暖 , 都要一段時間 , 真係有D唔好意思)

既然開左暖氣 , 咁就磨耐小小 , 費時白費佢一番心血 .  XD

到走果陣佢係咁講唔好意思 , 招呼唔到 , 攪到我都唔係咁好意思 .

好 ~ 言歸正傳 , 呢度就係蓋章處兼入口 .


簽名處 .


都幾踴躍喎 .  ^^


叫得做 北方領土館 , 梗係大把相睇啦 .


黑白 & 彩色都有 .


色丹島交流團 .


北方領土主題曲 .


樓梯都擺滿四島資料 .


上到二樓 , 睇完呢度再去展望 .


櫃裡又係四島既文物 .  XD


立體地圖 .


有晒地方名稱 .


又係四島資料 .


有近代及古代史 .


講黎講去都係果句 : 呢度對日本人黎講 , 係這麼近 ~ 那麼遠 .


距離國後島24km .


輪到展望果邊 , 不過天氣麻麻 , 冇乜野望到 .


Zoom盡都只係勉強叫做見到泊山 .  =_= !!


唯有用望遠鏡黎睇 , 橫掂免費任用 .


古代地圖 , 呢度叫做蝦夷 .


攪掂又走得 , 咁多位團友請上車 . haha ...

又係唔講你唔知 , 當日有諗過 , 如果酒店&路線由我發辦 , 

去北海道玩8日左右 , 大約四個人 , 租部七人車 , 一齊往北海道 , 

以車輪戰既形式黎駕駛 , 返到香港大家各自表述寫網誌 , 

話唔定癲癲地真係有Blog友參加架 .  XD


Bye Bye !



6 則留言:

  1. 上次我就係住野付湯元, 見到明日之後都未冧就安心, 事頭婆好好人果日臨走時叫我去唔到川湯就回來住. 估唔到你又會經過佢門口

    回覆刪除
    回覆
    1. 話明好心事頭婆 , 好人有好報 , 冇事既 . ^^
      呢間我都想幫襯 , 所以特登兜番轉 .

      刪除
    2. 小姐假設你搵夠腳但三個都係麻甩佬你 yeah 唔 yeah :D

      刪除
    3. 麻甩佬 ? 最好唔好啦 , 靚仔就話唶 . haha ...
      應該話 Yeah ~

      刪除
    4. 小姐真係識食 :D

      刪除
    5. 靚仔要黎養眼咋 , 唔好破壞晒我既形像 . haha ...

      刪除

歡迎光臨 , 如果時間許可 , 請留番個言丫 ~