2016/08/12

2016大阪兩日兩夜自由行 D1-1 大阪到著篇




Hello !


今次呢輯 大阪兩日兩夜篇 , 係 尋晚既延續篇 ...

如果係新讀者 , 可能唔多明白 , 首先黎個簡介 , 長話短說 .

話說在上次回程時 , 遺失相機在空港車站 , 回港後打左篇 :


之後得到各方好友開解及相助 , 有Blog友更提供聯絡電話 , 

於是乎打去問 , 對方竟然話有發現相機 , 但只可以自己親身領取 , 

同公司再三斡旋之下 , 攞到星期六呢一日假期 , 簡單D講 .

即係星期五收工往機場出發 , 星期日晨早機回港 (中午到達香港)

買好機票及訂好房後 , 打電話俾佢約定星期六到取 , 就係咁 ~ 

促成今次 兩日兩夜大阪自由行 , 所有野都要即刻決定咁滯 , 

真係趕到呢 ...  如果想睇詳細篇 , 請Click入下面網址 : 


黎多一次 , 就係要領回呢部G10 相機 .


攪掂未 ? OK就一齊出發 , 收工即搭機鐵 , P.M.6:27


往機場及博覽館 .


列車行駛中 ...


又係 T2 2號客運大樓 .


未領回G10前 , 只能用傻瓜機影 , 夜景質素麻麻 .


搵番個Check in 櫃檯 .


今次都係去程 Jetstar , 回程 Peach .


人小小 ~ 好快就辦妥手續 , 過對面7仔入D貨 .


食住些小野打底 , 上機再食過 .


P.M.7:39 , 都要入閘喇 .


夜機唔係好多人 , 好快攪掂離境手續 ,  , 搵番213號閘口 . 


要經過九曲十三灣先至過到黎 , 呢個機場唔簡單呀 .


廣播話改為210號閘口 , 好彩只係隔離啫 .


時間尚早 , 未有人排隊登機 .


等了又等之後 , 終於上機 , 今次揀機頭較前部份坐 .


正式既晚餐到 , 以果個時段 , 叫宵夜就差唔多 .


隔離位啊姐點樣可以運到 大家樂 既焗豬扒飯 & 凍奶茶上機 ?

真係R爆頭都諗唔到 . haha ...


數小時後 ~ 到達 大阪關西空港 , 在接駁巴士中 ...


兩三下手勢就攪掂入境打手指模手續 , 今次人數冇上次咁多 ,

多小人都冇乜所謂啦 , 反正大把時間等 .

另外由於冇寄艙行李 , 所以一過關就向行李檢查果邊行 , 

雖然得背囊一個 , 不過佢都要打開睇睇 , 兩日兩夜行程 ,

背囊只係D好基本既用品 , 正式係單眼佬睇老婆 , 一眼睇晒 !

過晒關出黎 , 又見 關西空港 .


好坦白講 , 去日本對於我黎講 , 係一件好隆重既事 , 淨係搵料都要幾個月 .

今次黎得咁倉猝 , 真係始料不及 , 心情上仲未調整得到 .


不過拎完相機之後點樣利用呢一日時間 , 好快已經有定案 .


其實當時都未知去邊度領取相機 , 諗住黎到再問人 .


警察局都係一個被問過既地方 .


LAWSON .


麥當奴 ~ 要黎消磨時間都唔錯架 .


ANA ~ 人去樓空 .


案內電視依然運作 .


同上次一樣 , 好位一早俾人霸晒 .


A.M.2:25 仲有3個零鐘至天光 .


Family Mart 後面就係洗手間 .


隔離就係郵政局 .


對面就係 Jetstar 轉機櫃檯 .


2016年2月27日 , 返到香港一個星期多 , 又再黎過 .


去番上次黎既位 , 影番上天花板 .


跟住諗起Blog友們介紹過既 KIX AIRPORT LOUNGE


對面係一排 Rocker .


睇番個LOUNGE , 設備應有盡有 , 收費亦唔貴 .


好野自然受歡迎 , 全部FULL晒 .  =_= !!


3點幾 , 好快天光 , 再四圍磨下啦 .


見到呢間 比卡超 , 頂上有個 精靈球 , 正呀 .


題外話 ~ Pokemon Go 自從香港有得玩之後 , 

成個人都迷晒落去 , 截稿時已經到達 Level 24 ,

不過仍然停留在狂捉精靈階段 , 未試過打道場 , 得閒請指教 .  ^^


其他航空公司 , 黑配白 ~ 部飛機好有型喎 .


始終都要瞌陣既 , 求其在郵政局隔離鋪D野就眠佢一眠 .


時間飛逝 , 轉眼就到A.M.6:00 , 食D野先 .


早餐到 ~ 拎完相機再出去食餐勁金既 .


Jetstar 都開工喇 .


AMA都係啦 .


Bye Bye 喇 Family Mart , 黎緊既農曆年或者會再見 .


今晚講住咁多先 , 下篇先至出市區 , 

聽晚 英超開鑼休息 , 星期日見 .

Bye Bye !



4 則留言:

  1. Are you not playing Pokemon Go? Download The Latest Version (Available for iOS and Android)

    回覆刪除
    回覆
    1. 又黎 ? 玩左好耐啦 . haha ... ^^

      刪除
  2. Download Pokemon Go for your mobile (Works on iOS and Android)

    回覆刪除
    回覆
    1. 玩緊啦 , 唔駛留咁多次言既 . haha ...

      刪除

歡迎光臨 , 如果時間許可 , 請留番個言丫 ~