2017/04/13

2017北海道及和歌山11天自駕遊D5-13 牛油帶子拉麵篇




Hello !


上回講到介紹完間房之後 , 即刻落街搵食 ...

睇呢篇既標題 , 已經知道今晚晚餐就係 味之時計台 既成名之作 ~

牛油帶子拉麵 , 曾經何時 , 每次黎 北海道 都會整番餐作為行程終結 ,

前幾年斷左路 , 今次可以再續未了緣 .  ^_^ !!

經過雪祭會場 , 順便影番一兩張相 .


咁樣叫做完工未架 ?


街上D樹都掛滿晒藍燈做裝飾 .


其實我都唔係好知 味之時計台 正確位置 , 次次都係憑感覺黎行 , 

終於俾我搵到 , 對面就係喇 , 隔離有間 松屋 .


還記得佢以前係地舖 , 跟住搬左落地庫 ,

有段時間兩店一齊做生意 , 等我以為真係咁好市 ?


呢個公仔同拉麵店有乜野淵源呢 ? 上網都未必搵得到 .


落去咯 , 今晚我請客 . haha ...


跟住呢句係例牌對白 : 無車一身輕 , 幾大都啤啤佢 . Yeah !!


果陣晚上八點鐘 , 過左晚市未架 ?


加埋呢位啊叔 , 全店都係得兩個客 , 市道麻麻喎 .  =_= !!


講多兩講 , 拉麵都黎埋 , 仲爭一味煎緊 .


當然係餃子啦 , 通常佢都係最後先至到 .


黎番張大合照 , 對上果次食呢一Set套餐係幾時呢 ? 唔記得咯 .

呢Set套餐埋單 2376 Yen ,認真重口味 , 係講卡路里 .  XD 


食完麵既下一站 , 都係一個老地方 , 就係 : 

天然温泉やすらぎの湯 北のたまゆら桑園 , 不過呢餐都未落格 , 

唯有搵D細藝做下 , 就係影相喇 , 呢個景在本網誌出現過無數次 .


ESTA ~ 上面都有個拉麵共和國 , 不過次次都俾 拉麵時計台 截糊 .


成條馬路都係雪 , 正式係 過馬路要小心 , 咪求望快一陣 ...


當時時間係P.M.8:35


車站外圍都有個影相勝地 , 呢粒花塔餅 , 正呀 .


藍樹都唔錯架 .


久唔久都有拍友一齊影 .


不過夜涼如水 , 街上不宜久留 .


因為你地見到呢幾張 , 叫做見得下人 , 要影好多張先至有架 .


入到車站裡面 , 都有D擺設俾人影相 .


呢張列車班次表 , 更加要影低 , 預算聽日幾點到 .


只係搭一個站 , 下一站 桑園 , Next Station is そうえん .


聽晚見 .

Bye Bye !



6 則留言:

  1. 桑園去浸溫泉^_^我就是睇過你介紹,我上年去北海道札幌旅行,專登去桑園,和我平時住溫泉旅館浸溫泉好吾同﹗

    回覆刪除
    回覆
    1. 在果度浸溫泉 , 撞口撞面都係D街坊 , 混入其中 ,
      雖然迫迫夾夾 , 但係感覺同溫泉旅館係兩回事 . ^^

      刪除
  2. 見番札幌站D相 , 我都好懷念丫 上次無去時計台 不過食左另一間湯咖呢 真系好好味
    希望快D到出年2年再出發丫~~

    回覆刪除
    回覆
    1. 札幌湯咖喱 , 個朵好行架 , 有機會我都想試 . ^^
      出年二月出發 ? 係咪去北海道 ? 又玩雪地自遊行 ?

      刪除
  3. 系2月打錯字SORRY 哈哈

    回覆刪除
    回覆
    1. haha ... 我都經常打錯寫 , 明架喇 .

      刪除

歡迎光臨 , 如果時間許可 , 請留番個言丫 ~