Hello !
上回講到在 足摺黑潮市場 食午餐 ...
食完之後行多陣個漁市場 , 跟住繼續趕路 .
一直去到呢個叫做 竜串 既地方 , 唔講唔知 ~ 搵料果陣 ,
對呢度寄望甚殷 , 皆因呢度有好多值得參觀既景點 ,
好似 見殘海岸 ~ 觀光船 ~ 海洋館 ~ 遊步道 , 樣樣都係精選 .
可惜當日落雨 , 攪到附近好似好冷清咁 , 心情大受影響之下 ,
淨係參觀左個海岸就走左 , 可惜 ! (其實應該參觀埋 海洋館)
竜串 . 見残し 觀光案內圖 .
如果睇唔明案內圖 , 仲有觀光案內所 .
裡面有停車場 , 無料 !
附近有小型旅館 .
食店 .
歡迎光臨 .
呢間就係觀光船受付 , 四圍鬼影都冇隻 ,
都唔知佢有冇船開 , 不過就算有 , 一個乘客唔知佢做唔做 ,
就算做 ~ 都唔好意思要人特登開船啦 . =_= !!
就咁睇相睇唔到 , 其實果陣係落緊雨 .
唔搭船就移師過黎海岸呢邊參觀 .
目標就係中間尖島果個位置 .
呢個砂灘 , 相信都唔係要黎游水果隻 .
雖然D水都幾清澈 .
水底都係綠綠地色 .
由砂灘上到黎呢邊 , 起初以為條路好窄 ,
行落都唔算 , 上黎完全冇難度 .
跟住落黎就精彩喇 , 全部都係岩石 , 樣子古靈精怪 .
就好似呢塊咁 , 應該點形容 , 睇落似塊糖蔥餅 .
日本有好多地方都叫做 千畳敷 .
零零舍舍一舊石擺響度 , 唔通在上面跌落黎 ?
終於黎到呢個尖島位置 .
獨特既岩石 , 同 根室車石 果度完全唔同睇法 .
有個水坑 , 又係D水好清 , 不過就唔見有魚仔 .
左手邊遠處果度 , 就係海洋館 .
Zoom近睇就係咁樣 .
繼續睇番岩石 .
紋理充滿雲石Feel .
呢塊打直豎立 .
順便講埋 , 今次行呢段 , 只屬小部份 ,
如果真係要行 , 仲可以再深入好多 .
若然搭觀光船去另一個海岸 , 落船仲多野睇 .
所以今次既參觀 , 只係屬於皮毛 , 未能盡興 .
呢塊石大有名堂 .
叫做 : 座頭の昼寝石 .
一路行 , 行到黎呢度都差唔多 , 轉埋個灣就到終點 .
仲有路再深入既 , 不過冇咁多時間啫 .
右下角綠色果D係青苔 , 小心跣到攤攤腰 . XD
Wow ~ 呢塊靚呀 .
好 ~ 最後一擊 , 返去咯 , 淋到個人濕晒 . _< !!
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~