Hello !
上回講到參觀完 鵜ノ岬展望台 , 即往下一站 .
而下一站就係 龍宮神社 , 上篇Blog友問部 N-box 掂唔掂 ?
我話OK掂呀 , 因為四國呢度窄路多 , 經常有機會遇對頭車 .
下面有段片 , 雖然冇對頭車 , 不過條路都幾窄 , 之但係都未算最窄果隻 ,
過幾日有D景點條路真係窄到得人驚 .
接住段片尾落車 , 落車影一陣相就走 , 唔駛擺得太好 . ^^
呢個係觀光客專用駐車場 , 擺得放心 .
隔離有洗手間 , 方便完先出發都仲得 .
觀光案內圖 .
D自然步道 , 行到你腳軟都得 . XD
馬路邊有石碑一大塊 .
龍王神社400m , 呢個神社一時叫龍宮 , 一時叫龍王 ?
距離足摺岬8.3km .
龍宮神社鳥居 , 見唔見左手邊有D煙 ?
呢度仲有人燒柴煮食 , 夠晒環保 , 不過陣煙就大左D .
又一塊石碑 .
龍宮神社 , 向右落樓梯 .
落去咯 .
過左一段樓梯之後 , 豁然開朗 , 最遠紅色果度就係神社 .
繼續行 , 沿途D岩石都好正架 .
現場天雨路滑 , 行起上黎都步步驚心 .
岩石中有D水坑 .
不過就冇乜浪 , 睇唔到D水湧入坑內 .
左右兩邊都有 .
又行近左D , 上到樓梯頂就係 .
再一次欣賞下D水坑 .
見到D水湧入黎喇 , Yeah !
呢度可以行出海邊 , 不過好似好危險咁 , 唔制咯 .
上面紅鳥居就係神社 .
細細地既 龍宮神社 .
左邊係黃色岩石 .
右邊就係燈塔 , 因為時間所限 , 冇過燈塔果邊 .
就咁Zoom近黎睇算數 .
燈塔海邊有人釣緊魚 , 企到咁出 , 俾浪卷走都冇人知 , haha ...
隔離有高山 .
前面有大海 .
遠方有小島 . (島上都有人釣魚)
後方 , 即係頭先落黎果度 .
再一次參觀個神社 .
起在海邊果然夠特別 .
可惜當日落雨 , 否則可以留耐D .
依家影多張燈塔就走得 .
見唔見條樓梯 , 要行番上頂 .
跟住再行多一段樓梯 , 然後行多段大直路 .
就出番停車場 , 上車就走得 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~