Hello !
一年容易 , 唔覺唔覺 , 又到左12月尾 , 今日26號 ,
正係生日既正日 , 係咁咦攪番個生日會啦 , 什果蛋糕一個 ,
年年都係咁上下 , 求其啦 ~ 叫做圍內人聚一聚 . ^_^ !!
例牌切件最大既俾自己 .
食先喇 ~ 唔好客氣 , 請自便 .
睇番上次果篇網誌 , 在2月10日 , 即係成10個月都冇更新 ,
好話唔好聽 , 差D遺忘左呢度 , 下次更新有可能係2023年既生日篇 ...
唉 ~ 認真無奈 , 個心已經唔在呢度 , 除非重新去日本玩番趟 ,
咁就會好積極地寫遊歷俾大家參考參考 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講番今年 , 真係發生左好多事 , 由年頭既不斷檢測 ,
至係依家連安心出行都冇埋 . 新冠既毒性 , 亦由十步殺一人 ,
降到只係普通感冒既級數 , 呢樣真係意料之外 ...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講番正題 , 日本都叫做開番關 , 我幾時會再出發呢 ?
答案係短期內都唔會咯 , 點解呢 ? 原因有兩個 , 一 : 雖然佢開晒關 ,
但都好似好多人中招喎 , 如果依家就去玩 , 有D送羊入虎口Feel囉 .
二 : 就係日本當地 , 都係百廢待興 , 未必接受到突而其來既大量遊客 ,
倒不如等多一排 , 等佢穩定D先至去 , 咁就玩得開心D ,
而且聽講D機票都好貴下 , 又係再等佢慢慢回落先 ,
即係話唔等都等左咁耐 , 唔爭在等多佢一年半載先至做野 .
Bye Bye !
咦 ~ 好似冇講生日願望喎 , 都係果D開開心心 , 健健康康之類 ,
依家年紀大右 , 唔似得後生果陣乜都想要 , 平淡是福 !!
再一次 Bye Bye !
祝你生日快樂﹗莫非變成一年一篇網誌^_<香港剛開關時0+3經好多人出去旅行,好多朋友仔都吾止去一次,有啲重去左幾次,好多都話要去番消失的三年旅行,2022年重有幾日就過去,希望2023年回復正常生活,吾好再有甚麼世紀病毒出現,快計劃2023年旅行啦,我都計劃緊,想起都開心呀﹗
回覆刪除多謝支持 , 一年一篇就誇左D , 不過無心戀戰又係事實 , 盡量啦 ~ 希望唔係真係下篇又講生日 . haha ...
刪除我都希望下年(2023)一切復常 , 這些年俾呢個疫情折磨到呢 , 咦 ~ 你計劃明年出門 , 正喎 , 恭喜晒 , 玩得開心D .
生日快樂、身體健康、生活愉快!🎉🎂🌹
回覆刪除我上個月都飛咗轉日本,正如我响blog講心情又開心又憂心,好在都健健康康返嚟😂😂
遊記連載中,今次有去你最喜歡的北海道,得閒過嚟我度睇睇😉😉
多謝晒 !! 最緊要大家都健康愉快 ~
刪除好高興你還記得呢度 , 因為我實在太耐冇更新 , 相信D客都走晒咯 . haha ...
依家去日本 , 真係擔心多過開心 , 所以我都要Hold住先 , 你有北海道遊記 ,
咁就唔客氣 , 一於先睹為快 , 頂住癮先 . ❤❤❤
今次去咗13日,北海道係最後幾日先去,暫時仲未寫到,睇住東京先
刪除哦 ~ 唔緊要 , 有日本遊已經好唔錯咯 , 寫乜睇乜 , 支持支持 . Yeah !!
刪除P.S. : 去13日真係好勁 , 記憶中我都未試過 , 通常都係10日左右 . 佩服 !!