Hello !
上回講到出機場 Check in ~ 過關 ~ 候機 ~ 登機 .
飛左一粒鐘左右 , 派飛機餐咯 , 唔講唔知 , 我連早餐都未食 ,
肚餓到爆咁滯 , 所以即使有人話飛機餐麻麻地 ,
我都會話 : 唔係丫 , 好正呀 .
乜都同佢清晒 , 一米不留 . (張相影到黑蚊蚊 , 早知開 "閃光燈" 啦)
食完繼續睇電影 , "武俠梁祝" , 冇去戲院睇過 , 呢度補番數 .
都話通道位正架啦 , 去洗手間既話 , 可以話去就去 .
仲有D時間 , 可以刨多陣 "旅遊天書" .
差唔多進入 "北海道" 範圍果陣 , 突然傳來機長廣播 ,
內容係 "新千歲機場" 果度跑道積雪 , 需要延遲降落 ,
當時心諗 : 唔係咁大鑊呀嘛 , 第一日都未開始 , 就俾個難題我 ?
假設逼降落另一個機場 , 點樣去 "札幌" 呢 ?
之後既行程又點樣接續番呢 ? 正式係一連串問號呀 ?
好彩在 "青森" 果頭兜左幾個圈之後 , 又話可以正常降落 ,
咁都好D , 真係俾佢嚇親 .
平安著陸 , 冇穿冇爛 , 不過要坐接駁巴士 , 地下真係鋪滿積雪喎 .
充滿 "Die Hard 2" 機場 Feel . ^_^ !!
攪掂晒D入境手續 , 拎埋件行李 , 出去接機大堂 ,
有間 LAWSON , 買小小野先 , 等埋我 .
MOS BURGER 一陣出 "札幌" 食餐勁 , 唔幫襯佢咯 .
17:49 有班車出 "札幌" .
飛奔去買車飛 .
1040Yen
札幌近郊路線圖 .
快速列車 , 6個站 ~ 話咁快就到 . (快極都要38分鐘左右)
酒店就在 "JR駅" 上蓋 , Check in 後放低件行李 ,
即刻落樓下食晚餐 , 就係 "Stellar Place" 6/F .
果度仲有好多選擇 .
不過一早經已鎖定呢一間 , 就係 "根室花" .
寫低個名 , 幾多位 , 同埋想點坐 . (一個人 , 當然係任佢派啦)
等左約莫35分鐘 , 終於都叫我個名 , 再遲D就餓死 . haha ...
食野之前 , 視察一番環境先 .
"札幌店" , 同 "根室本店" 如出一轍 .
(不過當時未去過 "根室" 當然唔知啦)
唔單止裝修十足 , 店內既壽司師父鬼殺咁嘈 ,
都係一模一樣 , 可謂風味十足 .
叫左啤酒 , 唔飲湯咯 .
乜都假 , 最緊要係啤啤佢 , Yeah !
甜蝦係我的至愛 , 一於打孖上 !
辛苦搵黎志在食 , 今餐一於唔留手 , 食到佢盡 .
好飽既呢 , 夠晒皮 , 即使再有好野都唔要咯 .
食飽飯 ~ 係時候上房打點一切 , 準備聽日既行程 ,
不過點都要去便利店行番趟先 .
Bye Bye !
