2009北海道8天自由行(修訂版)D1-1出發篇

Hello ! 

今日 (2009年2月21日) 就係出發 "北海道" 既大日子 , 

不過尋晚居然玩失眠 , 成晚眼光光咁滯 , 雖然並唔係第一次去 "日本" 自由行 , 

但係 "北海道" 呢種落雪地方 , 始終都係首次去 , 又驚帶漏乜 , 又驚帶漏物 , 

總之就乜都驚得一餐 , 終於捱到夠鐘出發 , 執齊野就出門 .

去到地鐵站 , 天都未光 , 鬼影都冇隻 .

"東涌線" 再轉 "機鐵" .

經過 "青衣城" , 次次D舖頭都未開 .

到達 "機鐵" 月台等上車 .

"機鐵" 車廂 , 下一站係機場 .

自助登記 , 起初以為好難用 , 其實好易架咋 ,

好似電腦裝軟件咁 , 乜都 "下一步" 咁就得 .

部機出左張機票之後 , 拎件寄艙行李黎呢度排隊 , 交俾佢就攪掂 .

攪掂晒D手續 , 四圍參觀D店舖 , 最緊要係買份報紙 .

行到咁上下都要入閘 .

過晒出境海關 , 果陣都只係接近八點鐘 . (平時呢個時間先起床)

Gate1-80 , 下面就係 .

09:40 CX 580 "札幌" , Gate24

行行重行行之後 , 終於到達候機處 , 

今次係坐 "國泰" 直航機 , 往後既 "北海道" 之旅 , 

好似同 "CX" 絕緣咁 , 差唔多次次都幫襯 ANA .

仲有大把時間消磨 , 睇完份報紙先講 .

睇完報紙 , 跟住四圍行 , 一陣就係坐呢部機 . (準備中)

呢部係細機 , 同回程果部大機比就差得遠咯 .

前往 "札幌" 既乘客 , 請於Gate24 排隊登機 .

Wow ~  34D 我都好想呀 . haha ...

我至鍾意通道位 , 去洗手間都唔駛麻煩人 , 話去就去 .

整番包花生先 .

大約一粒鐘後 , 去到 "台灣" 上空 , 係時候派飛機餐 .

Bye Bye !