2009北海道8天自由行(修訂版)D2-10完(蝦蟹合戰篇)

Hello !

上回講到坐纜車落番 "藻岩山" 腳 , 沿途邊行邊影 , 

好快就去到 "札幌市電" 站 ロ一プウェイ入口

果陣落緊雪 , 好彩個站有瓦遮頭 .

等候中 ...

咦 ~ 遠處好似有D野 .

Zoom近D睇過 , 真係有車黎緊 . 

今次依舊搭九個站 , 去番上車果個總站 , 即係 "西四丁目" .

之後過隔離街 , 上去 "蝦蟹合戰" 黎個大戰 .

果陣接近 P.M.6:00 , 朝早只係食左個 "刺身丼" , 

所以肚餓到爆咁滯 , 一於食大佢 , 叫個 "食べ放題"3990Yen , 

另外加多1050Yen , 黎個啤酒放題 , 兩樣都要在90分鐘內進行 . 

筷子套都影得一餐 . haha ...

好快就黎料 .

千祈唔好同佢客氣 , 仲要同時間鬥快 .  ^^

三種蟹 , 分別係 "長腳蟹" ~ "松葉蟹" ~ 仲有 "毛蟹" .

如果唔鍾意 , 可以淨係叫 "長腳蟹" .

OK ! 90分鐘話都冇咁快就到 , 果餐真係食得好金 , 

都唔記得飲左幾多杯 , 食左幾多隻蟹長 , 總之就係好飽啦 . 

等候電梯中 ... (呢度有個窗 , 可以影到 "摩天輪") 

周不時轉換唔同顏色 , 真係好正 , 我鍾意 . 

呢多張最後一擊 , 呢個套餐可能係我最後一次食 , 

點解咁講呢 ? 因為今次佢個餐牌寫住二人起 , 不過佢都OK .

之不過下次 (2010年) 我再黎 , 佢企硬要兩個人至得 , 

所以今次叫做 "最後一擊" 都不為過 . 

路過 "大通公園" , 係咁咦影張 "札幌鐵塔" . 

講真 ~ 果一刻真係有D wing wing 地 , 飲到啤啤夫 .

P.M.7:26

都係做乘客 , 坐地鐵穩陣D , 大通往札幌 , 200Yen

返到酒店房 , 煲番壺滾水沖茶解酒 . 

不過點都係 "白之戀人" 奶好飲D . 

"藻岩山" 度買既 "馬油" .

仲有個蘋果 , "狸小路" 生果店買 . (晏D食埋佢)

之後既工作就係睇電視 ...

講開電視 , 果度有D節目教人講普通話 , 我D普通話都係麻麻地 , 

所以抽D時間睇睇 , 今日課題 : 來這個呢 , 還是來這個呢 ? 

三個節目主持人 .

你喝咖啡還是喝紅茶 ? 

主持人D "普通話" 都好勁 . 

唔知以依家既 "中日關係" , 呢個節目會唔會取消呢 ? 

如果取消既話 , 都幾無奈 ...

希望呢個 "釣魚台" 問題 , 能夠早日解決 , 

否則拖到明年 (2013年) , 可能影響埋我既行程 .

P.S.: 2013既行程冇受影響 , 好彩唶 ! 

攪掂埋D手尾就休息 .

Bye Bye ! 

第二日完 .