Hello !
上回講到參觀完個 "室蘭水族館" ,
跟手去隔離既 "道の駅" みたら室蘭 . 就在 "水族館" 隔離 ,
就算行路都唔駛兩分鐘就到 .
呢度係食堂 , 裡面有D商店 , 加埋個洗手間 ,
"道の駅" 通常都係呢三種原素 .
果日都冇乜野買 , 齋睇算數 .
呢舊野係唔知邊個姊妹城市送既 , 究竟似乜野呢 ?
出面有舊大石 , 呢舊就睇得明 , 話在海底50M果度挖出黎做紀念 .
(見唔見右上角既摩天輪 , 真係隔離架咋)
轉灣行去後面 , 如果冇估錯 , 正中間果個就係 "大黑島" .
又見大風車 , 今次行程經常都見得到 ,
有次仲近距離影相添 , 遲D有得睇 .
上車向 "洞爺湖" 出發 , 之前講果條 "白鳥大橋" ,
係必經之路 , 後面冇車跟住 , 可以邊行邊影 ,
如果後面有車跟尾 , 就唔係咁方便咯 .
慢車欣賞呢條大橋 .
唔算太長 , 好快就行完 .
大約50公里左右 , 太快驚控制唔住 .
果陣都成 P.M.3:44 一於上高速 , 慳番D時間 .
GPS度揀 "有料道優先" , 過幾篇再詳細介紹個GPS點用 .
差唔多到閘口 , 準備定相機 .
今次冇借 ETC咭 , 要行綠色 "一般" , 記得拎飛 .
就係呢張飛 , "室蘭" 入閘 --- "洞爺" 出閘 , 盛惠850Yen .
高速即係高速 , 班友果然唔係人咁品 , 我在慢線開90km ,
點知快線D車 , 好似陣風咁樣掠過 , 勁 ! 駛入個休息站兼參觀 .
泊到衰衰咁 ~ 肥佬 ! (算啦 , 擺一陣唶)
個休息站 , 叫做 "有珠山" .
洞爺地帶附近 , 介紹 "噴火灣" .
呢度D風景都唔錯架 .
草原 ~ 屋仔 ~ 海 .
仲有藍天與白雲 . Yeah !
又係記念乜乜果D大舊石 .
入商店裡面參觀 , 咖啡OK嘛 ?
當然唔小得 "白之戀人" 啦 .
裡面仲有個食堂 .
北海道牛奶 .
攪掂繼續行程 , 前面有隧道 , 有D還可以 , 有D既照明系統 ,
可以話完全唔掂 , 有D仲鬼死咁窄 , 真係一路行一路驚 .
仲有 : 聽講冬天時入隧道D車頭玻璃會矇晒 ,
加上落雪時場濕路滑 , 對我呢D新手非常之不利 ,
呢個亦係我堅持溶晒雪先至出發既理由之一 .
去到 "洞爺" 溫泉區 , 時候都唔早 , 即刻去酒店 Check in .
下一篇講心路歷程 , 如果駕駛技術有番咁上下 ,
就可以略過 , 再下篇黎過 , 因為下篇成篇都係講駕駛心得 .
Bye Bye !.
沒有留言:
發佈留言
歡迎光臨 , 如果時間許可 , 請留番個言丫 ~